ஆவூர் பசுபதீச்சரம் ஸ்ரீ பசுபதீஸ்வரர் கோயில் காவிரித் தென்கரையின் 129 தலங்களில் 21-வது · சோழ நாடு

இக்கோயிலுக்கு வந்த திருஞானசம்பந்தர் இப்பதிகத்தைப் பாடினார். 11 பாடல்களில் 1 ஆம் பாடல்.

பாடலும் ஒலிபெயர்ப்பும் கட்டுரையில் உள்ளபடி. சொற்பொருளும் பொருளுரையும் AI உதவியுடன் எழுதிய வரைவுகள்.

பதினொரு பாடல்கள்

1. 01

   புண்ணியர் பூதியர் பூதநாதர்புடைபடு வார்தம் மனத்தார்திங்கட்கண்ணிய ரென்றென்று காதலாளர்கைதொழு தேத்த இருந்தவூராம்விண்ணுயர் மாளிகை மாடவீதிவிரைகமழ் சோலை சுலாவியெங்கும்பண்ணியல் பாட லறாதஆவூர்ப்பசுபதி யீச்சரம் பாடுநாவே

   அன்புடை அடியவர் புண்ணியம் திரண்டனைய வடிவினர் எனவும், நிறைந்த செல்வம் உடையவர் எனவும், பூதகணங்களின் தலைவர் எனவும், அருகில் வந்து பரவுவாரின் மனத்தார் எனவும், பிறைமதிக் கண்ணியர் எனவும் கைதொழுது போற்றச் சிவபிரான் எழுந்தருளிய ஊர் ஆகிய வானளாவ உயர்ந்த மாட மாளிகைகளோடு கூடியதும், மணம் கமழும் சோலைகளால் சூழப்பெற்றதும், எங்கும் பண்ணியலோடு கூடிய பாடல்கள் இடைவிடாது கேட்கப்படுவதும் ஆகிய ஆவூர்ப்பசுபதியீச்சரத்தை, நாவே தொழுது பாடுவாயாக.

2. 02

   முத்தியர் மூப்பில ராப்பினுள்ளார்முக்கணர் தக்கன்றன் வேள்விசாடும்அத்திய ரென்றென் றடியரேத்தும்ஐயன் அணங்கொ டிருந்தவூராம்தொத்திய லும்பொழில் மாடுவண்டுதுதைந்தெங்குந் தூமதுப் பாயக்கோயிற்பத்திமைப் பாடல றாதஆவூர்ப்பசுபதி யீச்சரம் பாடுநாவே

   அடியவர்கள், முத்திச் செல்வத்தை உடையவர் என்றும், மூப்புஇலர் என்றும், மாட்டுத் தறியில் விளங்குபவர் என்றும், முக்கண்ணர் என்றும், தம்மை இகழ்ந்து செய்த தக்கனின் வேள்வியை அழித்தவர் என்றும், போற்றித் துதிக்கும் தலைவராகிய சிவபிரான் உமையம்மையாரோடு எழுந்தருளிய ஊராகிய பொழில்களில் கொத்தாக மலர்ந்த பூக்களில் வண்டுகள் தோய்தலால் எங்கும் தூயதேன்துளிகள் பாய்வதும், கோயிலில் பத்தி பூண்ட அடியவர் பாடும் பாடல் இடைவிடாது கேட்பதுமாகிய ஆவூர்ப்பசுபதியீச்சரத்தை நாவே அதனைத் தொழுது பாடுவாயாக.

3. 03

   பொங்கி வரும்புனல் சென்னிவைத்தார்போம்வழி வந்திழி வேற்றமானார்இங்குயர் ஞானத்தர் வானோரேத்தும்இறையவ ரென்றுமி ருந்தவூராம்தெங்குயர் சோலைசே ராலைசாலிதிளைக்கும் விளைவயல் சேரும்பொய்கைப்பங்கய மங்கை விரும்பும்ஆவூர்ப்பசுபதி யீச்சரம் பாடுநாவே

   அடியவர்கள், முத்திச் செல்வத்தை உடையவர் என்றும், மூப்புஇலர் என்றும், மாட்டுத் தறியில் விளங்குபவர் என்றும், முக்கண்ணர் என்றும், தம்மை இகழ்ந்து செய்த தக்கனின் வேள்வியை அழித்தவர் என்றும், போற்றித் துதிக்கும் தலைவராகிய சிவபிரான் உமையம்மையாரோடு எழுந்தருளிய ஊராகிய பொழில்களில் கொத்தாக மலர்ந்த பூக்களில் வண்டுகள் தோய்தலால் எங்கும் தூயதேன்துளிகள் பாய்வதும், கோயிலில் பத்தி பூண்ட அடியவர் பாடும் பாடல் இடைவிடாது கேட்பதுமாகிய ஆவூர்ப்பசுபதியீச்சரத்தை நாவே அதனைத் தொழுது பாடுவாயாக.

4. 04

   தேவியோர் கூறின ரேறதேறுஞ்செலவினர் நல்குர வென்னைநீக்கும்ஆவிய ரந்தண ரல்லல்தீர்க்கும்அப்பனா ரங்கே அமர்ந்தவூராம்பூவிய லும்பொழில் வாசம்வீசப்புரிகுழ லார்சுவ டொற்றிமுற்றப்பாவியல் பாடல றாதஆவூர்ப்பசுபதி யீச்சரம் பாடுநாவே

   உமாதேவியை ஒரு பாதியாக உடையவர், இடபவாகனத்தில் ஏறி வருபவர். வறுமை புகுதாது என்னைக் காப்பவர். எனக்கு உயிர் போன்றவர். கருணையர், என்துயர் போக்குதலால் எனக்குத் தந்தையாக விளங்குபவர். அவர் எழுந்தருளிய ஊர், பூக்கள் நிறைந்த பொழில்களின் வாசனை வீசுவதும் சுருண்ட கூந்தலை உடைய மகளிர் காலாலே தாளமிட்டு ஆடித் தேர்ந்த இசையோடு பாடும் பாடல்கள் இடைவிடாது கேட்கப்படுவதுமான ஆவூர்ப்பசுபதி யீச்சரத்தை நாவே அதனைப் பாடுவாயாக.

5. 05

   இந்தணை யுஞ்சடை யார்விடையார்இப்பிறப் பென்னை யறுக்கவல்லார்வந்தணைந் தின்னிசை பாடுவார்பால்மன்னினர் மன்னி யிருந்தவூராம்கொந்தணை யுங்குழ லார்விழவிற்கூட்ட மிடையிடை சேரும்வீதிப்பந்தணை யும்விர லார்தம்ஆவூர்ப்பசுபதி யீச்சரம் பாடுநாவே

   திங்கள் தங்கும் சடையினரும், விடையை ஊர்தியாக உடையவரும், என்னைப் பற்றிய இப்பிறவியின் வினையை நீக்கி முத்தியளிக்க வல்லவரும், தம்மை வந்தடைந்து இன்னிசையால் பாடி வழிபடுவாரிடம் மன்னியிருப்பவரும் ஆகிய சிவபிரான், நிலைபெற்று விளங்கும் ஊர், பூங்கொத்தணிந்த கூந்தலை உடைய மங்கல மகளிர் வாழ்வதும், திருவிழாக்களில் மக்கள் கூட்டம் இடையிடையே சேரும் அகன்ற வீதிகளை உடையதும், பந்தாடும் கைவிரல்களினராகிய இளம்பெண்கள் நிறைந்ததுமாகிய ஆவூர்ப்பசுபதியீச்சரத்தை நாவே அதனைப் பாடுவாயாக.

6. 06

   குற்ற மறுத்தார் குணத்தினுள்ளார்கும்பிடு வார்தமக் கன்புசெய்வார்ஒற்றை விடையினர் நெற்றிக்கண்ணார்உறைபதி யாகுஞ் செறிகொள்மாடம்சுற்றிய வாசலின் மாதர்விழாச்சொற்கவி பாடநி தானம்நல்கப்பற்றிய கையினர் வாழும்ஆவூர்ப்பசுபதி யீச்சரம் பாடுநாவே

   அடியவர் செய்யும் குற்றங்களை நீக்கியவரும், நற்குணங்களை உடையோரிடம் வாழ்பவரும், தம்மைக் கும்பிடுவார்க்கு அன்பு செய்பவரும், ஓர் எருதைத் தமக்கு ஊர்தியாகக் கொண்டவரும், பிறர்க்கில்லாத நெற்றிக் கண்ணை உடையவரும் ஆகிய சிவபிரான் உறையும் பதி, செறிந்த மாட வீடுகளைச் சார்ந்துள்ள வாசலில் விழாக் காலங்களில் பெண்கள் புகழ்ந்து கவி பாடக் கேட்டு அவ்வீடுகளில் வாழும் செல்வர்கள் பொற்காசுகள் வழங்க, அதனைப் பற்றிய கையினராய் மகளிர் மகிழ்ந்துறையும் ஆவூர்ப்பசுபதியீச்சரமாகும். நாவே அதனைத் தொழுது பாடுக.

7. 07

   நீறுடை யார்நெடு மால்வணங்கும்நிமிர்சடை யார்நினை வார்தமுள்ளம்கூறுடை யாருடை கோவணத்தார்குவலய மேத்தஇ ருந்தவூராம்தாறுடை வாழையிற் கூழைமந்திதகுகனி யுண்டுமிண் டிட்டினத்தைப்பாறிடப் பாய்ந்து பயிலும்ஆவூர்ப்பசுபதி யீச்சரம் பாடுநாவே

   திருவெண்ணீற்றை அணிந்தவரும், திருமாலால் வணங்கப் பெறுபவரும், நிமிர்த்துக் கட்டிய சடைமுடியுடையவரும், தம்மை நினைவார் உள்ளத்தில் குடி கொண்டிருப்பவரும், கோவண ஆடை தரித்தவரும் ஆகிய சிவபிரான், மண்ணுலக மக்கள் தம்மைப் புகழ்ந்து போற்ற எழுந்தருளிய ஊர், குள்ளமான மந்தி பழுத்துள்ள வாழைத் தாற்றில் உண்ணத் தகுதியான பழங்களை வயிறார உண்டு, எஞ்சியுள்ள பழங்களை உண்ணவரும் குரங்குகளை அஞ்சுமாறு பாய்ந்து விரட்டும் தோட்டங்களை உடைய ஆவூர்ப் பசுபதியீச்சரமாகும். நாவே அதனைப் பாடுவாயாக.

8. 08

   வெண்டலை மாலை விரவிப்பூண்டமெய்யுடை யார்விறல் ஆரரக்கன்வண்டமர் பூமுடி செற்றுகந்தமைந்த ரிடம்வள மோங்கியெங்குங்கண்டவர் சிந்தைக் கருத்தின்மிக்கார்கதியரு ளென்றுகை யாரக்கூப்பிப்பண்டலர் கொண்டு பயிலும்ஆவூர்ப்பசுபதி யீச்சரம் பாடுநாவே

   வெண்மையான தலைகளை மாலையாகக் கோத்துப் பிற மாலைகளுடன் அணிந்துள்ள திருமேனியை உடையவரும், வண்டுகள் மொய்க்கும் மலர்களைச் சூடிய வலிய இராவணனின் முடியை நெரித்து மகிழ்ந்த வலியரும் ஆகிய சிவபெருமான் எழுந்தருளியுள்ள இடம், எங்கும் வளம் ஓங்கியதும், தரிசித்தவர்கள் சித்தத்தால் உயர்ந்தவர்களாய்த் தமக்குக் கதியருள் என்று கைகளைக் கூப்பிப் பழமைதொட்டுச் சிவபெருமானுக்கு உரியனவாகிய மலர்களைச் சாத்தி வழிபடும் இயல்பினதும் ஆகிய ஆவூர்ப்பசுபதியீச்சரமாகும். நாவே அதனைப் பாடுவாயாக.

9. 09

   மாலும் அயனும் வணங்கிநேடமற்றவ ருக்கெரி யாகிநீண்டசீலம் அறிவரி தாகிநின்றசெம்மையி னாரவர் சேருமூராம்கோல விழாவி னரங்கதேறிக்கொடியிடை மாதர்கள் மைந்தரோடும்பாலென வேமொழிந் தேத்தும்ஆவூர்ப்பசுபதி யீச்சரம் பாடுநாவே

   திருமாலும் பிரமனும் வணங்கித் தேட, அவர்கட்குச் சோதிப் பிழம்பாய்நீண்டு தோன்றிய, அறிதற்கு அரியராய் விளங்கும் செம்மையராகிய சிவபிரான் எழுந்தருளிய ஊர், அழகிய விழாக் காலங்களில் கொடியிடைப் பெண்கள் அரங்கின்கண் ஏறி ஆடவர்களோடு கூடிப் பால்போன்று இனிக்கும் மொழிகளால் இறைவனை ஏத்தும் ஆவூர்ப் பசுபதியீச்சரமாகும். நாவே அதனைப் பாடுவாயாக.

10. 10

    பின்னிய தாழ்சடை யார்பிதற்றும்பேதைய ராஞ்சமண் சாக்கியர்கள்தன்னிய லும்முரை கொள்ளகில்லாச்சைவ ரிடந்தள வேறுசோலைத்துன்னிய மாதரும் மைந்தர் தாமுஞ்சுனையிடை மூழ்கித் தொடர்ந்தசிந்தைப்பன்னிய பாடல் பயிலும்ஆவூர்ப்பசுபதி யீச்சரம் பாடுநாவே

    பின்னித் தொங்கவிடப்பட்ட சடையை உடையவராய், அறிவின்மையோடு சமணர்கள் சாக்கியர்கள் ஆகியோர் தங்களைப் பற்றியும் தாங்கள் சார்ந்த மதங்களின் சிறப்புக்களைப் பற்றியும் கூற, அவற்றை ஏலாதவராய் விளங்கும் சைவன் விரும்பி உறையும் இடம், முல்லைக் கொடி படர்ந்த சோலைகளில் மாதரும் மைந்தரும் நெருங்கிச் சுனையில் மூழ்கிச் சிவபிரானை மனம் ஒன்றிப்பாடும் ஆவூர்ப் பசுபதியீச்சரமாகும். நாவே அதனைப் பாடுவாயாக.

11. 11

    எண்டிசை யாரும்வ ணங்கியேத்தும்எம்பெரு மானை யெழில்கொளாவூர்ப்பண்டுரி யார்சிலர் தொண்டர்போற்றும்பசுபதி யீச்சரத் தாதிதன்மேல்கண்டல்கண் மிண்டிய கானற்காழிக்கவுணியன் ஞானசம் பந்தன்சொன்னகொண்டினி தாவிசை பாடியாடிக்கூடு மவர்உடை யார்கள்வானே

    இறுதிப் பாடல் சீகாழி ஞானசம்பந்தனைப் பாடியவராகக் கூறி, இப்பாடல்களை இசையோடு பாடி ஆடி வணங்குபவர்கள் வானகம் பெறுவர் என்கிறது.

    எட்டுத் திசையில் உள்ளவர்களும் வணங்கிப் போற்றும் எம் தலைவரும், அழகிய ஆவூரில் பழ அடியார்களால்போற்றப் பெறுபவரும் ஆகிய பசுபதியீச்சரத்து இறைவர்மேல் தாழை மரங்கள் நிறைந்த கடற்கரைச் சோலைகளால் சூழப்பட்ட சீகாழிப் பதியில் கவுணியர் குடியில் தோன்றிய ஞானசம்பந்தன் பாடிய பாடல்களை இசையோடு பாடி ஆடி வணங்குபவர்கள், வானகத்தைத் தமது உடைமையாகப் பெறுவர்.