வடகுரங்காடுதுறை ஸ்ரீ தயாநிதீஸ்வரர் சுவாமி கோயில் காவிரி வடகரையின் 63 தலங்களில் 49-வது · சோழ நாடு

திருஞானசம்பந்தர் இக்கோயிலுக்கு வந்து இந்தப் பதிகத்தைப் பாடினார். 10 பாடல்களில் முதல் பாடல்.

பாடலும் ஒலிபெயர்ப்பும் கட்டுரையில் உள்ளபடி. சொற்பொருளும் பொருளுரையும் AI உதவியுடன் எழுதிய வரைவுகள்.

பத்து பாடல்கள்

1. 01

   கோங்கமே குரவமே கொழுமலர்ப் புன்னையே கொகுடிமுல்லைவேங்கையே ஞாழலே விம்முபா திரிகளே விரவியெங்கும்ஓங்குமா காவிரி வடகரை யடைகுரங் காடுதுறைவீங்குநீர்ச் சடைமுடி அடிகளா ரிடமென விரும்பினாரே

   கோங்கு, குரவம், செழித்த மலர்களைத் தரும் புன்னை, கொகுடி, முல்லை,

   வேங்கை, புலிநகக் கொன்றை, பாதிரி ஆகிய மரங்களை அடித்துவரும்

   காவிரியின் வடகரையிலுள்ள குரங்காடுதுறை என்னும் திருத்தலத்தைச்

   சிவபெருமான் தமது இருப்பிடமாகக் கொண்டு விரும்பி வீற்றிருந்தருளுபவர்.

2. 02

   மந்தமா யிழிமதக் களிற்றிள மருப்பொடு பொருப்பின்நல்லசந்தமார் அகிலொடு சாதியின் பலங்களுந் தகையமோதிஉந்துமா காவிரி வடகரை யடைகுரங் காடுதுறைஎந்தையார் இணையடி இமையவர் தொழுதெழும் இயல்பினாரே

   சிறு அளவில் மதம் சொரியும் யானைக் கன்றுகளின் தந்தங்களையும், நல்ல

   சந்தனம், அகில், சாதிக்காய் ஆகிய பயன்தரக்கூடிய மரங்களையும்

   விழும்படி மோதி, அலைகளால் அடித்துவரும் காவிரியின் வடகரையிலுள்ள

   குரங்காடுதுறை என்னும் திருத்தலத்தில் வீற்றிருந்தருளும் எந்தையாகிய

   சிவபெருமானின் திருவடிகளைத் தேவர்கள் தொழுது எழும் தன்மையர்.

3. 03

   முத்துமா மணியொடு முழைவளர் ஆரமும் முகந்துநுந்திஎத்துமா காவிரி வடகரை யடைகுரங் காடுதுறைமத்தமா மலரொடு மதிபொதி சடைமுடி யடிகள்தம்மேற்சித்தமாம் அடியவர் சிவகதி பெறுவது திண்ணமன்றே

   முத்து, மணி, குகைகளின் அருகில் வளரும் சந்தனமரம் இவற்றை வாரி,

   தள்ளி மோதும் காவிரியின் வடகரையில் உள்ள குரங்காடுதுறை என்னும்

   திருத்தலத்தில் வீற்றிருந்தருளும், பெருமை மிகுந்த பொன்னூமத்த மலரோடு, சந்திரனையும் அணிந்து உள்ள சடைமுடி உடைய தலைவரான

   சிவபெருமானைச் சித்தத்தால் வழிபடும் அடியவர்கள் சிவகதி பெறுவது

   உறுதி.

4. 04

   கறியுமா மிளகொடு கதலியின் பலங்களுங் கலந்துநுந்திஎறியுமா காவிரி வடகரை யடைகுரங் காடுதுறைமறியுலாங் கையினர் மலரடி தொழுதெழ மருவுமுள்ளக்குறியினா ரவர்மிகக் கூடுவார் நீடுவா னுலகினூடே

   உறைக்கும் மிளகுச் செடிகளோடு, வாழையும் கலந்து தள்ளி வரும்

   காவிரியின் வடகரையில் விளங்கும் குரங்காடுதுறை என்னும் திருத்தலத்தில் மான்கன்றை ஏந்திய கையையுடைய சிவபெருமானின் திருவடிகளைத் தொழுது, உள்ளம் உருகப் போற்றுபவர்கள் வானுலகடைந்து மேன்மையுடன் மகிழ்ந்திருப்பர்.

5. 05

   கோடிடைச் சொரிந்ததே னதனொடுங் கொண்டல்வாய் விண்டமுன்னீர்காடுடைப் பீலியுங் கடறுடைப் பண்டமுங் கலந்துநுந்திஓடுடைக் காவிரி வடகரை யடைகுரங் காடுதுறைபீடுடைச் சடைமுடி யடிகளா ரிடமெனப் பேணினாரே

   மரக்கிளைகளில் சொரிந்த தேனோடு, மேகம் பெய்த முன்னீரும் கலக்கக்

   காட்டில் வசிக்கும் மயிலின் பீலியும், மலைச்சாரலில் விளையும்

   பண்டங்களும் உந்தித் தள்ளி ஓடிவரும் காவிரியின் வடகரையிலுள்ள

   குரங்காடுதுறை என்னும் திருத்தலத்தை, பெருமையுடைய சடைமுடியுடைய தலைவரான சிவபெருமான் விரும்பி வீற்றிருக்கும் இடமாகக் கொண்டுள்ளார்.

6. 06

   கோலமா மலரொடு தூபமுஞ் சாந்தமுங் கொண்டுபோற்றிவாலியார் வழிபடப் பொருந்தினார் திருந்துமாங் கனிகளுந்திஆலுமா காவிரி வடகரை யடைகுரங் காடுதுறைநீலமா மணிமிடற் றடிகளை நினையவல் வினைகள்வீடே

   அழகிய நறுமலர்களுடன், தூபமும், சந்தனமும் கொண்டு போற்றி வாலியார் வழிபட்டதும், இனிய மாங்கனிகளை அடித்து அசைந்துவரும் காவிரியின் வடகரையில் உள்ளதுமான குரங்காடுதுறை என்னும் திருத்தலத்தில் வீற்றிருந்தருளுகின்ற நீலமணி போன்ற கண்டத்தையுடைய

   சிவபெருமானை நினைத்து போற்ற வல்லவர்களின் வலிய தீவினைகள்

   யாவும் தீரும்.

   இப்பதிகத்தில் 7-ம் செய்யுள் சிதைந்து போயிற்று.

   Ippathikaththil 7-m seyyuḷ sithainthu pōyitṟu.

7. 07

   நீலமா மணிநிறத் தரக்கனை யிருபது கரத்தொடொல்கவாலினாற் கட்டிய வாலியார் வழிபட மன்னுகோயில்ஏலமோ டிலையில வங்கமே யிஞ்சியே மஞ்சளுந்திஆலியா வருபுனல் வடகரை யடைகுரங் காடுதுறையே

   நீலமணிபோன்ற கருநிற அரக்கனான இராவணனை, இருபது கரத்தொடும்

   வாலினாற் இறுகக் கட்டிய வாலியார் வழிபடப் பெருமைபெற்ற கோயில்,

   ஏலம், பச்சிலை, இலவங்கம், இஞ்சி, மஞ்சள் இவற்றை உந்தி, ஒலித்து,

   ஓடிவரும் காவிரியின் வடகரையிலுள்ள குரங்காடுதுறை என்னும்

   திருத்தலமாகும்.

8. 08

   பொருந்திறல் பெருங்கைமா வுரித்துமை யஞ்சவே யொருங்குநோக்கிப்பெருந்திறத் தனங்கனை அநங்கமா விழித்ததும் பெருமைபோலும்வருந்திறற் காவிரி வடகரை யடைகுரங் காடுதுறைஅருந்திறத் திருவரை யல்லல்கண் டோங்கிய அடிகளாரே

   போர்செய்யும் தன்மையுடைய பெரிய துதிக்கையுடைய யானையின்

   தோலை, உமாதேவி அஞ்சுமாறு உரித்து வியப்படையும்படி செய்தவர்

   சிவபெருமான். அவர் பெருந்திறமை மிக்க மன்மதனின் உடல் அழியுமாறு

   நெற்றிக்கண்ணைத் திறந்து விழித்த பெருமையுடையவர். பலவிதப்

   பொருட்களை அடித்துவரும் காவிரியின் வடகரையிலுள்ள குரங்காடுதுறை

   என்னும் திருத்தலத்தில் வீற்றிருந்தருளும் அப்பெருமான், பிரமனம்,

   திருமாலும் தம்மைத் தேடித் துன்புறச்செய்து நெருப்பு மலையாய் ஓங்கி

   ஒளிர்ந்த தலைவராவார்.

9. 09

   கட்டமண் தேரருங் கடுக்கடின் கழுக்களுங் கசிவொன்றில்லாப்பிட்டர்தம் அறவுரை கொள்ளலும் பெருவரைப் பண்டமுந்திஎட்டுமா காவிரி வடகரை யடைகுரங் காடுதுறைச்சிட்டனா ரடிதொழச் சிவகதி பெறுவது திண்ணமாமே

   கடுக்காய்களைத் தின்கின்ற கழுக்களான கட்டுப்பாட்டையுடைய

   சமணர்களும், புத்தர்களும், மன இரக்கமின்றிக் கூறும் அறவுரைகளை

   கொள்ளாதீர். பெரிய மலையிலுள்ள பொருள்களைத் தள்ளிப் பாயும்

   காவிரியின் வடகரையிலுள்ள குரங்காடுதுறை என்னும் திருத்தலத்தில்

   வீற்றிருந்தருளும் சீலமிக்க சிவபெருமானின் திருவடிகளைத் தொழுபவர்கள் சிவகதி பெறுவது உறுதியாகும்.

10. 10

    தாழிளங் காவிரி வடகரை யடைகுரங் காடுதுறைப்போழிள மதிபொதி புரிதரு சடைமுடிப் புண்ணியனைக்காழியான் அருமறை ஞானசம் பந்தன கருதுபாடல்கோழையா அழைப்பினுங் கூடுவார் நீடுவா னுலகினூடே

    இறுதிப் பாடல் பாடியவர் திருஞானசம்பந்தர் என்று கூறி, இப்பாடல்களைப் பாடுவோர் உயர்ந்த விண்ணுலகை அடைவார்கள் என்கிறது.

    பள்ளம் நோக்கி ஓடிப்பாயும் காவிரியின் வட கரையிலுள்ள குரங்காடுதுறை

    என்னும் திருத்தலத்தில் வீற்றிருந்தருளும், பிறைச்சந்திரனை அணிந்த

    முறுக்குண்ட சடைமுடியுடைய புண்ணிய மூர்த்தியான சிவபெருமானைப்

    போற்றி, சீகாழியில் அவதரித்த அருமறைவல்ல ஞானசம்பந்தன் அருளிய

    இப்பாடல்களை அடியவர்கள் கோழைமிடறோடு பாடினாலும் என்றும் அழியாத முக்தியுலகை அடைவர்.