திருச்சிவபுரம் ஸ்ரீ சிவகுருநாதசுவாமி கோயில் காவிரித் தென்கரையின் 129 தலங்களில் 67-வது · சோழ நாடு

இங்கு திருஞானசம்பந்தர் பாடியது. பாடல் 1 / 11.

பாடலும் ஒலிபெயர்ப்பும் கட்டுரையில் உள்ளபடி. சொற்பொருளும் பொருளுரையும் AI உதவியுடன் எழுதிய வரைவுகள்.

பதினொரு பாடல்கள்

1. 01

   புவம்வளி கனல்புனல் புவிகலை யுரைமறை திரிகுணம் அமர்நெறிதிவமலி தருசுரர் முதலியர் திகழ்தரும் உயிரவை யவைதமபவமலி தொழிலது நினைவொடு பதுமநன்மலரது மருவியசிவனது சிவபுரம் நினைபவர் செழுநில னினில்நிலை பெறுவரே

   “Puvamvaḷi kaṉalpuṉal puvikalai yuraimaṟai thirikuṇam amarneṟi

   thivamali tharusurar muthaliyar thikazhtharum uyiravai yavaithama

   pavamali thozhilathu niṉaivoṭu pathumanaṉmalarathu maruviya

   sivaṉathu sivapuram niṉaipavar chezhunila ṉiṉilnilai peṟuvarē”.

   விண், காற்று, தீ, நீர், மண் ஆகிய ஐம்பெரும் பூதங்களையும், எண்ணெண்

   கலைகளை உரைத்தருளும் வேதங்களையும், முக்குணங்களையும்,

   விரும்பத்தக்க மார்க்கங்களையும், வானுலகில்வாழும் தேவர்கள்

   முதலியவர்களாய் விளங்கும் உயிர்களையும், தம்முடைய படைப் பாற்றல்

   நினைவோடு நல்ல தாமரை மலரில் விளங்கும் நான்முகனை அதிட்டித்து

   நின்று உலகைத் தோற்றுவித்தருளும் சிவபெருமானது சிவபுரத் தலத்தை

   நினைப்பவர் வளமையான இவ்வுலகில் நிலைபெற்று வாழ்வர்.

2. 02

   மலைபல வளர்தரு புவியிடை மறைதரு வழிமலி மனிதர்கள்நிலைமலி சுரர்முதல் உலகுகள் நிலைபெறு வகைநினை வொடுமிகுமஅலைகடல் நடுஅறி துயிலமர் அரியுரு வியல்பர னுறைபதிசிலைமலி மதிள்சிவ புரம்நினை பவர்திரு மகளொடு திகழ்வரே

   மலைகள்பலவளரும்இம்மண்ணுலகில்வேதவிதிகளின்படிநடக்கும்

   மிகுதியானமக்கள், விண்ணில்நிலைபேறுடையவராய்வாழும்தேவர்கள்

   ஆகியோரும்மற்றுமுள்ளஉலகஉயிர்களும்நிலைபெற்றுவாழ்தற்குரிய

   காத்தல்தொழில்நினைவோடு, மிகுந்துவரும்அலைகளைஉடைய

   திருப்பாற்கடல்நடுவில்அறிதுயில்அமர்ந்துள்ளதிருமாலை

   அதிட்டித்துநின்றுகாத்தல்தொழிலைச்செய்தருளும்சிவபிரான்உறையும்

   பதி, கற்களால்கட்டப்பட்டமதில்கள்சூழ்ந்தசிவபுரமாகும். அதனை

   நினைப்பவர் திருமகளொடு திகழ்வர்.

3. 03

   பழுதில கடல்புடை தழுவிய படிமுத லியவுல குகள்மலிகுழுவிய சுரர்பிறர் மனிதர்கள் குலம்மலி தருமுயி ரவையவைமுழுவதும் அழிவகை நினைவொடு முதலுரு வியல்பர னுறைபதிசெழுமணி யணிசிவ புரநகர் தொழுமவர் புகழ்மிகு முலகிலே

   “Pazhuthila kaṭalpuṭai thazhuviya paṭimutha liyavula kukaḷmali

   kuzhuviya surarpiṟar maṉitharkaḷ kulam'mali tharumuyi ravaiyavai

   muzhuvathum azhivakai niṉaivoṭu muthaluru viyalpara ṉuṟaipathi

   chezhumaṇi yaṇisiva puranakar thozhumavar pukazhmiku mulakilē”.

   பழுதுபடாத, கடலால் சூழப்பட்ட நிலவுலகம் முதலிய எல்லா

   உலகங்களையும், அவ்வுலகங்களில் நிறைவுடன் குழுமிவாழும் தேவர்கள்

   நரகர்கள் மற்றும் மனிதர்கள் ஏனையோர்ஆகிய அனைவர் உயிர்களையும்

   அழிக்கும் வகையான நினைவோடு உருத்திரனை அதிட்டித்து அவனுருவில்

   அழித்தலைச் செய்தருளும் சிவபிரான் உறையும் பதியாகிய செழுமையான

   மணிகள் அழகு செய்யும் சிவபுர நகரைத் தொழுவோரின் புகழ் உலகில்

   மிகும்.

4. 04

   நறைமலி தருமள றொடுமுகை நகுமலர் புகைமிகு வளரொளிநிறைபுனல் கொடுதனை நினைவொடு நியதமும் வழிபடும் அடியவர்குறைவில பதம்அணை தரஅருள் குணமுடை யிறையுறை வனபதிசிறைபுன லமர்சிவ புரமது நினைபவர் செயமகள் தலைவரே

   “Naṟaimali tharumaḷa ṟoṭumukai nakumalar pukaimiku vaḷaroḷi

   niṟaipuṉal koṭuthaṉai niṉaivoṭu niyathamum vazhipaṭum aṭiyavar

   kuṟaivila pathamaṇai thara'aruḷ kuṇamuṭai yiṟaiyuṟai vaṉapathi

   siṟaipuṉa lamarziva puramathu niṉaipavar seyamakaḷ thalaivarē”.

   மணம் மிகுந்த சந்தனம், அரும்புகள், இதழ் விரிந்த மலர்கள், குங்கிலியம், சீதாரி முதலிய தூபம், ஒளி வளர் தீபங்கள், நிறைந்த நீர் ஆகியவற்றைக் கொண்டு நீராட்டியும், மலர் சூட்டியும் ஒளி காட்டியும் தன்னை நாள்தோறும் நினைவோடு வழிபடும் அடியவர், குறைவிலா நிறைவான சாமீபம் முதலான முத்திகளை அடைய அருள்செய்யும் குணம் உடைய இறைவன் உறையும் அழகிய பதி, நீர் நிலைகள் பலவற்றாலும் வளம் நிரம்பி விளங்கும் சிவபுரமாகும். அதனை நினைபவர் சயமகள் தலைவராவர்.

5. 05

   சினமலி யறுபகை மிகுபொறி சிதைதரு வகைவளி நிறுவியமனனுணர் வொடுமலர் மிசையெழு தருபொருள் நியதமும் உணர்பவர்தனதெழி லுருவது கொடுஅடை தகுபர னுறைவது நகர்மதிள்கனமரு வியசிவ புரம்நினைப வர்கலை மகள்தர நிகழ்வரே

   “Siṉamali yaṟupakai mikupoṟi sithaitharu vakaivaḷi niṟuviya

   maṉaṉuṇar voṭumalar misaiyezhu tharuporuḷ niyathamum uṇarpavar

   thaṉathezhi luruvathu koṭu'aṭai thakupara ṉuṟaivathu nakarmathiḷ

   kaṉamaru viyasiva puramniṉaipa varkalai makaḷthara nikazhvarē”.

   காமம், குரோதம், லோபம், மோகம், மதம், மாற்சரியம் எனப்படும் ஆறு

   பகைகளையும் வென்று, மெய், வாய், கண், மூக்கு, செவி ஆகிய

   ஐம்பொறிகளையும் அடக்கும் வகையில், காற்றை நிறுத்தியும் விடுத்தும்

   செய்யப்படும் பிராணாயாமத்தைப் புரிந்தும், தியானித்தலால் உள்ளத்தில்

   தோன்றியருளும் ஒளிப் பொருளாகிய சிவபெருமானை நாள்தோறும்

   உணர்பவராகிய யோகியர்கட்குத் தனது எழிலுருவாகிய சாரூபத்தைத்

   தந்தருளும் சிவபிரான் உறைந்தருளும் நகர், மேகந் தவழும் மதில்கள் சூழ்ந்த சிவபுரமாகும். அதனை நினைபவர், கலைமகள் தன் அருளைத் தரவாழ்வர்.

6. 06

   சுருதிகள் பலநல முதல்கலை துகளறு வகைபயில் வொடுமிகுஉருவிய லுலகவை புகழ்தர வழியொழு குமெயுறு பொறியொழிஅருதவ முயல்பவர் தனதடி யடைவகை நினையர னுறைபதிதிருவளர் சிவபுரம் நினைபவர் திகழ்குலன் நிலனிடை நிகழுமே

   “Suruthikaḷ palanala muthalkalai thukaḷaṟu vakaipayil voṭumiku

   uruviya lulakavai pukazhthara vazhiyozhu kumeyuṟu poṟiyozhi

   aruthava muyalpavar thaṉathaṭi yaṭaivakai niṉaiyara ṉuṟaipathi

   thiruvaḷar sivapuram niṉaipavar thikazhkulaṉ nilaṉiṭai nikazhumē”.

   வேதங்களையும், பலவாகிய நன்மைகளைத் தரும் தலைமையான

   கலைகளையும், குற்றம் அறப்பயின்று, உலகியலில் பழிபாவங்களுக்கு

   அஞ்சித் தூய ஒழுக்க சீலராய் உலகம் புகழ விளங்கி உடலின்கண் உள்ள

   பொறிகள்வழி ஒழுகாது அரிய தவத்தை மேற்கொண்ட அடியவர்கள் தன்

   திருவடிகளை அடையும் வகை சங்கற்பிக்கும் சிவபிரான் உறையும் பதி

   திருவருள் தேங்கிய சிவபுரமாகும். அத்தலத்தை நினைவோர்தம்

   விளக்கமான குலம் உலகிடை நின்று நிகழும்.

7. 07

   கதமிகு கருவுரு வொடுவுகி ரிடவட வரைகண கணவெனமதமிகு நெடுமுக னமர்வளை மதிதிக ழெயிறதன் நுதிமிசைஇதமமர் புவியது நிறுவிய எழிலரி வழிபட அருள்செய்தபதமுடை யவனமர் சிவபுரம் நினைபவர் நிலவுவர் படியிலே

   “Kathamiku karuvuru voṭuvuki riṭavaṭa varaikaṇa kaṇaveṉa

   mathamiku neṭumuka ṉamarvaḷai mathithika zheyiṟathaṉ nuthimisai

   ithamamar puviyathu niṟuviya ezhilari vazhipaṭa aruḷseytha

   pathamuṭai yavaṉamar sivapuram niṉaipavar nilavuvar paṭiyilē”.

   திருமால் வராக அவதாரத்தில் சினம்மிக்க கரிய உருவோடு, தனது

   நகங்களிடையே வடக்கின்கண் உள்ள மேருமலை கணகண என ஒலி செய்ய, மதம் மிக்க நீண்ட அவ்வராகத்தின் முகத்திற்பொருந்திய வளைந்த பிறை போன்ற எயிற்றின் முனைக்கண் பூமி இதமாக அமர்ந்து விளங்க, அப்பூமியை உலகின்கண் அவியாதுநிறுத்திக் காத்த அழகிய திருமால் வழிபட, அவர்க்கு அருள்புரிந்த திருவடிகளை உடையவனாகிய சிவபெருமான் எழுந்தருளிய சிவபுரத்தை நினைப்பவர் உலகிற் புகழோடு விளங்குவர்.

8. 08

   அசைவுறு தவமுயல் வினிலயன் அருளினில்வருவலி கொடுசிவன்இசைகயி லையையெழு தருவகை யிருபது கரமவை நிறுவியநிசிசரன் முடியுடை தரவொரு விரல்பணி கொளுமவ னுறைபதிதிசைமலி சிவபுரம் நினைபவர் செழுநில னினில்நிகழ் வுடையரே

   “Asaivuṟu thavamuyal viṉilayaṉ aruḷiṉilvaruvali koṭusivaṉ

   isaikayi laiyaiyezhu tharuvakai yirupathu karamavai niṟuviya

   nisisaraṉ muṭiyuṭai tharavoru viralpaṇi koḷumava ṉuṟaipathi

   thisaimali sivapuram niṉaipavar chezhunila ṉiṉilnikazh vuṭaiyarē”.

   உடல் வருத்தத்தைத் தரும் கடுமையான தவத்தைச் செய்து நான்முகன்

   அருளினால் வரமாகக் கிடைக்கப் பெற்ற வலிமையைக் கொண்டு சிவபிரான் எழுந்தருளிய கயிலைமலையை அது பெயரும்வகையில் இருபது கரங்களை அம்மலையின் கீழ்ச் செலுத்திய இராவணனின் பத்துத் தலைகளில் உள்ள முடிகள் சிதறுமாறு தனது ஒரு கால் விரலால் அடர்த்துத் தன் வலிமையை அவனுக்கு உணர்த்தி அவனைப் பணி கொண்டருளும் சிவபிரான் உறையும் பதி, எண் திசைகளிலும் புகழ் நிறைந்த சிவபுரமாகும். அத்தலத்தை நினைபவர் வளமான இவ்வுலகில் எஞ்ஞான்றும் வாழ்வர்.

9. 09

   அடல்மலி படையரி அயனொடும் அறிவரி யதொரழல் மலிதருசுடருரு வொடுநிகழ் தரவவர் வெருவொடு துதியது செயவெதிர்விடமலி களநுத லமர்கண துடையுரு வெளிபடு மவன்நகர்திடமலி பொழிலெழில் சிவபுரம் நினைபவர் வழிபுவி திகழுமே

   “Aṭalmali paṭaiyari ayaṉoṭum aṟivari yathorazhal malitharu

   suṭaruru voṭunikazh tharavavar veruvoṭu thutiyathu seyavethir

   viṭamali kaḷanutha lamarkaṇa thuṭaiyuru veḷipaṭu mavaṉnakar

   thiṭamali pozhilezhil sivapuram niṉaipavar vazhipuvi thikazhumē”.

   வலிமை மிக்க சக்கராயுதத்தைப் படைக்கலனாகக் கொண்ட திருமாலும்

   நான்முகனும் அறிதற்கரிய வகையில் அழல்மிக்க பேரொளிப் பிழம்பாய்

   வெளிப்பட்டருள அதனைக் கண்ட அவர்கள், அச்சங் கொண்டு துதி செய்த

   அளவில் அவர்கட்கு எதிரே விடம் பொருந்திய கண்டமும் நெற்றிக் கண்ணும்

   உடைய தனது உருவத்தோடு காட்சி நல்கிய சிவபிரான் எழுந்தருளிய தலம்,

   உறுதியான மரங்கள் செறிந்த பொழில்கள்சூழ்ந்த எழில் பெற்ற

   சிவபுரமாகும். அதனை நினைபவரும் அவர் மரபினரும் உலகில் புகழோடு விளங்குவர்.

10. 10

    குணமறி வுகள்நிலை யிலபொரு ளுரைமரு வியபொருள் களுமிலதிணமெனு மவரொடு செதுமதி மிகுசம ணருமலி தமதுகை உணலுடை யவருணர் வருபர னுறைதரு பதியுல கினில்நல கணமரு வியசிவ புரம்நினை பவரெழி லுருவுடையவர்களே

    “Kuṇamaṟi vukaḷnilai yilaporu ḷuraimaru viyaporuḷ kaḷumila

    thiṇameṉu mavaroṭu sethumathi mikusama ṇarumali thamathukai

    uṇaluṭai yavaruṇar varupara ṉuṟaitharu pathiyula kiṉilnala

    kaṇamaru viyasiva puramniṉai pavarezhi luruvuṭai yavarkaḷē”.

    குணங்களும் அறிவும் நிலையில்லாதன எனவும், காணப்படும் உலகப்

    பொருள்களும், உரைக்கும் உரையால் உணர்த்தப்படும் ஏனைய

    பொருள்களும், அவ்வாறே அழிந்து தோன்றுமியல்பின. இது திண்ணம்

    எனவும், கணபங்க வாதம் புரியும் கேட்டிற்குக் காரணமான அறிவினராகிய

    புத்தர்களும், தமது கையில் நிறைந்த உணவை வாங்கி உண்ணும்

    சமணர்களும், உணர்தற்கரிய சிவபிரான் உறையும் பதி, இவ்வுலகில்

    நல்லவர்கள் திரளாய் வாழும் சிவபுரமாகும். அதனை நினைபவர் அழகிய

    உருவோடு விளங்குவர்.

11. 11

    திகழ்சிவ புரநகர் மருவிய சிவனடி யிணைபணி சிரபுரநகரிறை தமிழ்விர கனதுரை நலமலி யொருபதும் நவில்பவர்நிகழ்குல நிலநிறை திருவுரு நிகரில கொடைமிகு சயமகள் புகழ்புவி வளர்வழி யடிமையின் மிகைபுணர் தரநலம் மிகுவரே

    இறுதிப் பாடல் பாடியவரைச் சிரபுரத்தின் தலைவர் என்று குறிப்பிட்டு, இப்பத்துத் தமிழ்ப் பாடல்களையும் ஓதுபவர் நலம் மிகுவர் என்கிறது.

    “Thikazhsiva puranakar maruviya sivaṉaṭi yiṇaipaṇi sirapura

    nakariṟai thamizhvira kaṉathurai nalamali yorupathum navilpavar

    nikazhkula nilaniṟai thiruvuru nikarila koṭaimiku sayamakaḷ

    pukazhpuvi vaḷarvazhi yaṭimaiyiṉ mikaipuṇar tharanalam mikuvarē”.

    இவ்வுலகில் புகழால் விளங்கும் சிவபுரநகரில் எழுந்தருளிய

    சிவபெருமானின் திருவடி இணைகளைப் பணிகின்ற சிரபுர நகர்த்

    தலைவனும், தமிழ் விரகனுமாகிய ஞானசம்பந்தன் பாடிய உரைச் சிறப்பு

    வாய்ந்த இத்திருப்பதிகப் பாடல்கள் பத்தினையும் ஓதி வழிபடுபவர் குலம்,

    நிலம், நிறைந்த செல்வம், அழகிய வடிவம், ஒப்பற்ற கொடை வண்மை, மிக்க வெற்றித் திரு, இவ்வுலகிடை தொடர்ந்து வரும் சந்ததி, இறைவனடியார் என்ற பெருமிதம் ஆகியன தம்பால் விளங்க எல்லா நலங்களும் மிகப் பெறுவர்.