Thiru Neithanam Sri Neyyadiyappar Temple 52nd of 63 on the north bank of the Kaveri · Chola Nadu · Temples near Kumbakonam

Thirugnanasambandar visited this temple and sang this Pathigam. Verse 1 of 11.

Shiva, dark of throat, keeps Parvathy the mountain's daughter as his left half, and wears the hide of the elephant he slew. With Uma, whose eyes are like kuvalai flowers of the fields, he dwells as Neyyadi Peruman. Speak the holy name Neyththanam.

Verse text and transliteration as given in the write-up. Word meanings and the English meaning are AI-assisted drafts.

All eleven verses

1. 01

   மையாடிய கண்டன்மலை மகள்பாகம துடையான்கையாடிய கேடில்கரி யுரிமூடிய வொருவன்செய்யாடிய குவளைம்மலர் நயனத்தவ ளோடும்நெய்யாடிய பெருமானிடம் நெய்த்தானமெ னீரே

   Maiyāṭiya kaṇṭaṉmalai makaḷpākama thuṭaiyāṉ / kaiyāṭiya kēṭilkari yurimūṭiya voruvaṉ / seyyāṭiya kuvaḷaim'malar nayaṉaththava ḷōṭum / neyyāṭiya perumāṉiṭam neyththāṉame ṉīrē

   கருநிறம் அமைந்த கண்டத்தை உடையவனும், மலை மகளாகிய பார்வதியை இடப் பாகமாகக் கொண்டவனும், துதிக்கையோடு கூடியதாய்த் தன்னை எதிர்த்து வந்ததால் அழிவற்ற புகழ் பெற்ற யானையைக் கொன்று அதன் தோலைப் போர்த்த, தன்னொப்பார் இல்லாத் தலைவனுமாகிய சிவபிரான் வயல்களில் முளைத்த குவளை மலர் போலும் கண்களை உடைய உமையம்மையோடும் நெய்யாடிய பெருமான் என்ற திருப்பெயரோடும் விளங்குமிடமாகிய நெய்த்தானம் என்ற திருப்பெயரைச் சொல்வீராக.

2. 02

   பறையும்பழி பாவம்படு துயரம்பல தீரும்பிறையும்புனல் அரவும்படு சடையெம்பெரு மானூர்அறையும்புனல் வருகாவிரி அலைசேர்வட கரைமேல்நிறையும்புனை மடவார்பயில் நெய்த்தானமெ னீரே

   Paṟaiyumpazhi pāvampaṭu thuyarampala thīrum / piṟaiyumpuṉal aravumpaṭu saṭaiyemperu māṉūr / aṟaiyumpuṉal varukāviri alaisērvaṭa karaimēl / niṟaiyumpuṉai maṭavārpayil neyththāṉame ṉīrē

   காவிரி வடகரை மேல் உள்ள எம்பெருமான் ஊராகிய நெய்த்தானம் என்ற பெயரைச் சொல்லுமின் பழி பாவம் தீரும் என வினை முடிபு காண்க. ஆரவாரத்துடன் வரும் புனலின் அலைகள் சேரும் காவிரி வடகரையில் விளங்குவதும், பிறை கங்கை அரவம் ஆகியவற்றுடன் கூடிய சடைமுடியை உடைய எம்பெருமான் எழுந்தருளியதும், மனத்தைக் கற்பு நெறியில் நிறுத்தும் நிறை குணத்துடன் தம்மை ஒப்பனை செய்து கொள்ளும் மகளிர் பயில்வதுமாகிய நெய்த்தானம் என்ற ஊரின் பெயரைச் சொல்லுமின்; பழிநீங்கும், பாவங்கள் துன்பங்கள் அனைத்தும் தீரும்.

3. 03

   பேயாயின பாடப்பெரு நடமாடிய பெருமான்வேயாயின தோளிக்கொரு பாகம்மிக வுடையான்தாயாகிய வுலகங்களை நிலைபேறுசெய் தலைவன்நேயாடிய பெருமானிடம் நெய்த்தானமெ னீரே

   Pēyāyiṉa pāṭapperu naṭamāṭiya perumāṉ / vēyāyiṉa thōḷikkoru pākam'mika vuṭaiyāṉ / thāyākiya vulakaṅkaḷai nilaipēṟusey thalaivaṉ / nēyāṭiya perumāṉiṭam neyththāṉame ṉīrē

   ஊழிக் காலத்து, பேய்கள் பாட, மகா நடனம் ஆடிய பெருமானும், மூங்கில் போலத் திரண்ட தோள்களை உடைய உமை யம்மைக்குத் தனது திருமேனியின் ஒரு பாகத்தை வழங்கியவனும், அனைத்து உலகங்களிலும் வாழும் உயிர்களை நிலைபேறு செய்தருளும் தாய் போன்ற தலைவனும், அன்பர்களின் அன்பு நீரில் ஆடுபவனும் ஆகிய சிவபெருமான் எழுந்தருளிய நெய்த்தானம் என்ற திருப்பெயரைப் பலகாலும் சொல்வீராக.

4. 04

   சுடுநீறணி யண்ணல்சுடர் சூலம்மன லேந்திநடுநள்ளிருள் நடமாடிய நம்பன் னுறையிடமாம்கடுவாளிள அரவாடுமிழ் கடல்நஞ்சம துண்டான்நெடுவாளைகள் குதிகொள்ளுயர் நெய்த்தானமெ னீரே

   Suṭunīṟaṇi yaṇṇalsuṭar chūlam'maṉa lēnthi / naṭunaḷḷiruḷ naṭamāṭiya nampaṉ ṉuṟaiyiṭamām / kaṭuvāḷiḷa aravāṭumizh kaṭalnañchama thuṇṭāṉ / neṭuvāḷaikaḷ kuthikoḷḷuyar neyththāṉame ṉīrē

   சுடப்பட்ட திருநீற்றை அணியும் தலைமையானவனும் ஒளி பொருந்திய சூலம் அனல் ஆகியவற்றைக் கைகளில் ஏந்தி இருள் செறிந்த இரவின் நடுயாமத்தே நடனம் ஆடும் நம்பனும், கொடிய ஒளி பொருந்திய இளைய வாசுகியாகிய பாம்பு உமிழ்ந்த நஞ்சோடு கடலில் தோன்றிய நஞ்சினை உண்டவனுமாகிய சிவபிரான் உறையும் இடமாகிய நீண்ட வாளை மீன்கள் துள்ளி விளையாடும் நீர்வளம் மிக்க நெய்த்தானம் என்ற ஊரின் பெயரைச் சொல்வீராக.

5. 05

   நுகராரமொ டேலம்மணி செம்பொன்னுரை யுந்திப்பகராவரு புனற்காவிரிப ரவிப்பணிந் தேத்தும்நிகரான்மண லிடுதன்கரை நிகழ்வாய நெய்த் தானநகரான்அடி யேத்தந்நமை நடலை யடை யாவே

   Nukarāramo ṭēlam'maṇi sempoṉṉurai yunthip / pakarāvaru puṉaṟkāviripa ravippaṇin thēththum / nikarāṉmaṇa liṭuthaṉkarai nikazhvāya neyth thāṉa / nakarāṉaṭi yēththannamai naṭalai yaṭai yāvē

   நுகரத்தக்க பொருளாகிய சந்தனம், ஏலம், மணி, செம்பொன் ஆகியவற்றை நுரையோடு உந்தி விலை பகர்வது போல ஆரவாரித்து வரும் நீரை உடைய காவிரி பரவிப் பணிந்தேத்துவதும், ஒருவகையான மணல் சேர்க்கப்பெற்ற அவ்வாற்றின் தண்கரையில் விளங்குவதுமாகிய நெய்த்தானத்துக் கோயிலில் விளங்கும் சிவபிரான் திருவடிகளை ஏத்தத் துன்பங்கள் நம்மை அடையா.

6. 06

   விடையார்கொடி யுடையவ்வணல் வீந்தார்வெளை யெலும்பும்உடையார்நறு மாலைசடை யுடையாரவர் மேயபுடையேபுனல் பாயும்வயல் பொழில்சூழ்ந்தநெய்த் தானம்அடையாதவ ரென்றும்அம ருலகம்மடை யாரே

   Viṭaiyārkoṭi yuṭaiyavvaṇal vīnthārveḷai yelumpum / uṭaiyārnaṟu mālaisaṭai yuṭaiyāravar mēya / puṭaiyēpuṉal pāyumvayal pozhilchūḻnthaneyth thāṉam / aṭaiyāthava reṉtṟumama rulakam'maṭai yārē

   இடபக் கொடியை உடைய அண்ணலும், மணம் கமழும் மாலைகளைச் சடைமேல் அணிந்தவனும் ஆகிய சிவபிரான் மேவியதும், அருகிலுள்ள கண்ணிகளிலும் வாய்க்கால்களிலும் வரும் நீர்பாயும் வயல்கள் பொழில்கள் சூழ்ந்ததும் ஆகிய நெய்த்தானம் என்னும் தலத்தை அடையாதவர் எக்காலத்தும் வீட்டுலகம் அடையார்.

7. 07

   நிழலார்வயல் கமழ்சோலைகள் நிறைகின்றநெய்த் தானத்தழலானவன் அனலங்கையி லேந்தியழ காயகழலானடி நாளுங்கழ லாதேவிட லின்றித்தொழலாரவர் நாளுந்துய ரின்றித் தொழுவாரே

   Nizhalārvayal kamazhchōlaikaḷ niṟaikiṉtṟaneyth thāṉath / thazhalāṉavaṉ aṉalaṅkaiyi lēnthiyazha kāya / kazhalāṉaṭi nāḷuṅkazha lāthēviṭa liṉtṟith / thozhalāravar nāḷunthuya riṉtṟith thozhuvārē

   பயிர் செழித்து வளர்தலால் ஒளி நிறைந்த வயல்களும் மணம் கமழும் சோலைகளும் நிறைகின்ற நெய்த்தானத்தில், தழல் உருவில் விளங்குபவனும் அனலைத் தன் கையில் ஏந்தியவனும் அழகிய வீரக் கழல்களை அணிந்தவனும் ஆகிய சிவபிரானது திருவடிகளை நாள்தோறும் தவறாமலும் மறவாமலும் தொழுதலை உடைய அடியவர் எந்நாளும் துயரின்றி மற்றவர்களால் தொழத்தக்க நிலையினராவர்.

8. 08

   அறையார்கடல் இலங்கைக்கிறை யணிசேர்கயி லாயம்இறையாரமுன் எடுத்தான்இரு பதுதோளிற வூன்றிநிறையார்புனல் நெய்த்தானன்நன் நிகழ்சேவடி பரவக்கறையார்கதிர் வாளீந்தவர் கழலேத்துதல் கதியே

   Aṟaiyārkaṭal ilaṅkaikkiṟai yaṇisērkayi lāyam / iṟaiyāramuṉ eṭuththāṉiru pathuthōḷiṟa vūṉtṟi / niṟaiyārpuṉal neyththāṉaṉnaṉ nikazhsēvaṭi paravak / kaṟaiyārkathir vāḷīnthavar kazhalēththuthal kathiyē

   அழகிய கயிலாய மலையைத் தன் இருபது முன் கரங்களாலும் பெயர்த்து எடுத்த ஓசை கெழுமிய கடல் சூழ்ந்த இலங்கைக்குரிய மன்னனாகிய இராவணன் இருபது தோள்களும் நெரியுமாறு காலை ஊன்றிப் பின் அவன் புனல் நிறைந்த நெய்த்தானப் பெருமானது விளங்கும் திருவடிகளைப் பரவ அவனுக்கு முயற்கறையை உடைய சந்திரனின் பெயரைப் பெற்ற சந்திரகாசம் என்ற வாளை ஈந்த அப்பெருமான் திருவடிகளை ஏத்துதலே, ஒருவற்கு அடையத்தக்க கதியாம்.

9. 09

   கோலம்முடி நெடுமாலொடு கொய்தாமரை யானும்சீலம்மறி வரிதாயொளி திகழ்வாயநெய்த் தானம்காலம்பெற மலர்நீரவை தூவித்தொழு தேத்தும்ஞாலம்புகழ் அடியாருடல் உறுநோய்நலி யாவே

   Kōlam'muṭi neṭumāloṭu koythāmarai yāṉum / sīlam'maṟi varithāyoḷi thikazhvāyaneyth thāṉam / kālampeṟa malarnīravai thūviththozhu thēththum / ñālampukazh aṭiyāruṭal uṟunōynali yāvē

   அழகிய முடியை உடைய திருமாலும், கொய்யத்தக்க தாமரைமலர் மேல் விளங்கும் நான்முகனும் தன் இயல்பை அறிதற்கியலாத நிலையில் ஒளிவடிவாய்த் திகழ்ந்த நெய்த்தானப் பெருமானை விடியற் பொழுதிலே நீராட்டி மலர் சூட்டித் தொழுதேத்தும் உலகு புகழ் அடியவரை உடலுறும் நோய்கள் நலியா.

10. 10

    மத்தம்மலி சித்தத்திறை மதியில்லவர் சமணர்புத்தரவர் சொன்னம்மொழி பொருளாநினை யேன்மின்நித்தம்பயில் நிமலன்னுறை நெய்த்தானம தேத்தும்சித்தம்முடை யடியாருடல் செறுநோயடை யாவே

    Maththam'mali siththaththiṟai mathiyillavar samaṇar / puththaravar soṉṉam'mozhi poruḷāniṉai yēṉmiṉ / niththampayil nimalaṉṉuṟai neyththāṉama thēththum / siththam'muṭai yaṭiyāruṭal seṟunōyaṭai yāvē

    சித்தத்தில் செருக்குடையவரும், சிறிதும் மதியில்லாதவரும் ஆகிய சமணர்களும், புத்தர்களும் கூறும் பொருளற்ற உரைகளை ஒரு பொருளாக நினையாதீர். நாள்தோறும் நாம் பழகி வழிபடுமாறு, குற்றமற்ற சிவபிரான் உறையும் நெய்த்தானத்தை வணங்கிப் போற்றும் சித்தத்தை உடைய அடியவர் உடலைத் துன்புறுத்தும் நோய்கள் அடையா.

11. 11

    தலமல்கிய புனற்காழியுள் தமிழ்ஞானசம் பந்தன்நிலமல்கிய புகழான்மிகு நெய்த்தானனை நிகரில்பலமல்கிய பாடல்லிவை பத்தும்மிக வல்லார்சிலமல்கிய செல்வன்னடி சேர்வர்சிவ கதியே

    The last verse names Thamizh Gnanasambandan of Kazhi as the singer and says those who master these songs will reach Shiva's feet.

    Thalamalkiya puṉaṟkāzhiyuḷ thamizhñāṉasam banthaṉ / nilamalkiya pukazhāṉmiku neyththāṉaṉai nikaril / palamalkiya pāṭallivai paththum'mika vallār / silamalkiya selvaṉṉaṭi sērvarsiva kathiyē

    தலங்களில் சிறந்த புனல் சூழ்ந்த காழிப்பதியுள் தோன்றிய தமிழ் ஞானசம்பந்தன் உலகெங்கும் பரவிய புகழால் மிக்க நெய்த்தானத்துப் பெருமான் மீது பாடிய ஒப்பற்ற பயன்கள் பலவற்றைத் தரும் பாடல்களாகிய இவற்றைக் கற்றுப் பலகாலும் பரவவல்லவர் சீலம் நிறைந்த செல்வன் அடியாகிய சிவகதியைச் சேர்வர்.