Thirunaraiyur Sri Siddhanatheswarar Temple 65th of 129 on the south bank of the Kaveri · Chola Nadu · Temples near Kumbakonam

Sung here by Thirugnanasambandar. Verse 1 of 11.

The verse speaks of the lord with flowing water in his raised matted hair, who goes about taking alms so that the world praises him. It tells the heart to go and reach Siddheecharam in Naraiyur, where learned Vedic scholars live.

Verse text and transliteration as given in the write-up. Word meanings and the English meaning are AI-assisted drafts.

All eleven verses

1. 01

   ஊரு லாவு பலிகொண் டுலகேத்தநீரு லாவு நிமிர்புன் சடையண்ணல்சீரு லாவு மறையோர் நறையூரில்சேருஞ் சித்தீச் சரஞ்சென் றடைநெஞ்சே

   “Ūru lāvu palikoṇ ṭulakēththa

   nīru lāvu nimirpuṉ saṭaiyaṇṇal

   sīru lāvu maṟaiyōr naṟaiyūril

   sēruñ chiththīch charañcheṉ tṟaṭaineñchē”.

   நெஞ்சே! ஊர்கள்தோறும் உலாவுவதால் கிடைக்கும் உணவைப் பெற்று,

   உலகம் பரவக் கங்கை நீரைத் தன் திருமுடியில் ஏற்று, அக்கங்கை நீர்

   உலாவும் மேல்நோக்கின சிவந்த சடைமுடியினை உடையதலைமைத்

   தன்மை உடைய சிவபிரான் எழுந்தருளிய, சீருடைய மறையவர் வாழும்

   நகரான நறையூரில் விளங்கும் சித்தீச்சரத்தைச் சென்றடைவாயாக.

2. 02

   காடு நாடுங் கலக்கப் பலிநண்ணிஓடு கங்கை யொளிர்புன் சடைதாழவீடு மாக மறையோர் நறையூரில்நீடுஞ் சித்தீச் சரமே நினைநெஞ்சே

   “Kāṭu nāṭuṅ kalakkap palinaṇṇi

   ōṭu gaṅgai yoḷirpuṉ saṭaithāzha

   vīṭu māka maṟaiyōr naṟaiyūril

   nīṭuñ chiththīch charamē niṉaineñchē”.

   நெஞ்சே! காட்டின்கண் முனிவர் குடில்களிலும், நாட்டின்கண் இல்லறத்தார்

   வீடுகளிலும் விரும்பிப் பலியேற்று, ஓடி வரும் கங்கை தங்கிய ஒளிவீசும்

   சிவந்த சடைகள் தாழ, தம் உடல்களை விடுத்து, முத்திப்பேற்றை அடைய

   விரும்பும் அந்தணர் வாழும் நறையூரில், புகழால் நீடிய சித்தீச்சரத்தில்

   விளங்கும் பெருமானை நினைவாயாக.

3. 03

   கல்வி யாளா கனகம் அழல்மேனிபுல்கு கங்கை புரிபுன் சடையானூர்மல்கு திங்கள் பொழில்சூழ் நறையூரில்செல்வர் சித்தீச் சரஞ்சென் றடைநெஞ்சே

   “Kalvi yāḷā kaṉakam azhalmēṉi

   pulku gaṅgai puripuṉ saṭaiyāṉūr

   malku thiṅkaḷ pozhilchūzh naṟaiyūril

   selvar chiththīch charañcheṉ tṟaṭaineñchē”.

   நெஞ்சமே! பொன்னையும் தீயையும் ஒத்த திருமேனியராய், கங்கை தங்கும்

   முறுக்கேறிய சிவந்த சடையினை உடையவராய் விளங்கும் சிவபிரானது

   ஊர், கல்வியாளர் நிறைந்ததாய், திங்கள் தங்கும் பொழில்கள் சூழ்ந்ததாய்

   விளங்கும் நறையூராகும். அவ்வூரில் செல்வர் வணங்கும் சித்தீச்சரத்தைச்

   சென்றடைவாயாக.

4. 04

   நீட வல்ல நிமிர்புன் சடைதாழஆட வல்ல அடிக ளிடமாகும்பாடல் வண்டு பயிலும் நறையூரில்சேடர் சித்தீச் சரமே தெளிநெஞ்சே

   “Nīṭa valla nimirpuṉ saṭaithāzha

   āṭa valla aṭika ḷiṭamākum

   pāṭal vaṇṭu payilum naṟaiyūril

   sēṭar chiththīch charamē theḷineñchē”.

   நெஞ்சே! மேல்நோக்கிய நீண்டு வளரவல்ல செஞ்சடைகள் தாழுமாறு

   ஆடுதலில் வல்ல அடிகளாகிய சிவபிரானது இடம் ஆகிய பாடுதலில் வல்ல

   வண்டுகள் நிறைந்து வாழும் சோலைவளம் உடைய நறையூரில் பெரியோர்

   வணங்கித் துதிக்கும் சித்தீச்சரத்தைத் தௌவாயாக.

5. 05

   உம்ப ராலும் உலகின் னவராலும்தம்பெ ருமைய ளத்தற் கரியானூர்நண்பு லாவு மறையோர் நறையூரில்செம்பொன் சித்தீச் சரமே தெளிநெஞ்சே

   “Umpa rālum ulakiṉ ṉavarālum

   thampe rumaiya ḷaththaṟ kariyāṉūr

   naṇpu lāvu maṟaiyōr naṟaiyūril

   sempoṉ chiththīch charamē theḷineñchē”.

   நெஞ்சே! தேவர்களாலும், உலகிடை வாழும் மக்களாலும் தனது

   பெருமைகளை அளவிட்டுக் கூறுவதற்கு அரியவனாகிய சிவபிரானது

   ஊராய், நட்புத் தன்மையால் மேம்பட்ட மறையவர்கள் வாழும்

   திருநறையூரில் சிவபிரான் எழுந்தருளிய செம்பொன்மயமான

   சித்தீச்சரத்தையே தௌவாயாக.

6. 06

   கூரு லாவு படையான் விடையேறிபோரு லாவு மழுவான் அனலாடிபேரு லாவு பெருமான் நறையூரில்சேருஞ் சித்தீச் சரமே யிடமாமே

   “Kūru lāvu paṭaiyāṉ viṭaiyēṟi

   pōru lāvu mazhuvāṉ aṉalāṭi

   pēru lāvu perumāṉ naṟaiyūril

   sēruñ chiththīch charamē yiṭamāmē”.

   கூர்மைமிக்க சூலப்படையை உடையவனாய், விடை மீது ஏறிப் போருக்குப்

   பயன்படும் மழுவாயுதத்தை ஏந்தி, அனல்மிசை நின்றாடி, ஏழுலகிலும் தன்

   புகழ் விளங்க நிற்கும் சிவபெருமான் திருநறையூரில் விளங்கும்

   சித்தீச்சரமே நாம் வழிபடற்குரிய இடமாகும்.

7. 07

   அன்றி நின்ற அவுணர் புரமெய்தவென்றி வில்லி விமலன் விரும்புமூர்மன்றில் வாசம் மணமார் நறையூரில்சென்று சித்தீச் சரமே தெளிநெஞ்சே

   “Aṉtṟi niṉtṟa avuṇar purameytha

   veṉtṟi villi vimalaṉ virumpumūr

   maṉtṟil vāsam maṇamār naṟaiyūril

   seṉtṟu chiththīch charamē theḷineñchē”.

   நெஞ்சே! தன்னோடு வேறுபட்டு நிற்கும் அவுணர்களின் முப்புரங்களையும்

   எய்தழித்த வெற்றியோடு கூடிய வில்லை உடைய குற்றமற்றவன் விரும்பும்

   ஊர் ஆகிய, மணம் நிலைபெற்று வீசும் பொது மன்றங்களை உடைய

   திருநறையூருக்குச் சென்று, அங்குப் பெருமான் எழுந்தருளிய

   சித்தீச்சரத்தைத் தௌந்து வழிபடுக.

8. 08

   அரக்கன் ஆண்மை அழிய வரைதன்னால்நெருக்க வூன்றும் விரலான் விரும்புமூர்பரக்குங் கீர்த்தி யுடையார் நறையூரில்திருக்கொள் சித்தீச் சரமே தெளிநெஞ்சே

   “Arakkaṉ āṇmai azhiya varaithaṉṉāl

   nerukka vūṉtṟum viralāṉ virumpumūr

   parakkuṅ kīrththi yuṭaiyār naṟaiyūril

   thirukkoḷ chiththīch charamē theḷineñchē”.

   நெஞ்சே! இராவணனது வலிமை கெடுமாறு கயிலை மலையால் ஊன்றி

   அடர்த்த கால் விரலை உடைய சிவபிரான் விரும்புவது, பரவிய புகழாளர்

   வாழ்வது ஆகிய திருநறையூரில் விளங்கும் சிவபிரானது சித்தீச்சரத்தைத்

   தௌவாயாக.

9. 09

   ஆழி யானும் அலரின் உறைவானும்ஊழி நாடி உணரார் திரிந்துமேல்சூழு நேட எரியாம் ஒருவன்சீர்நீழல் சித்தீச் சரமே நினைநெஞ்சே

   “Āzhi yāṉum alariṉ uṟaivāṉum

   ūzhi nāṭi uṇarār thirinthumēl

   chūzhu nēṭa eriyām oruvaṉsīr

   nīzhal chiththīch charamē niṉaineñchē”.

   நெஞ்சே! சக்கராயுதத்தை உடைய திருமாலும், தாமரை மலர்மேல்

   உறையும் நான்முகனும், உணராதவனாய், ஓர் ஊழிக்காலம் அளவும்

   திரிந்து சுற்றும் முற்றும் மேலும் கீழுமாய்த் தேட எரியுருவாய் ஓங்கி நின்ற

   சிவபெருமானது சிறப்புமிக்க இடமாகிய திருநறையூர்ச் சித்தீச்சரத்தை

   நினைவாய்.

10. 10

    மெய்யின் மாசர் விரிநுண் துகிலிலார்கையி லுண்டு கழறும் உரைகொள்ளேல்உய்ய வேண்டில் இறைவன் நறையூரில்செய்யுஞ் சித்தீச் சரமே தவமாமே

    “Meyyiṉ māsar virinuṇ thukililār

    kaiyi luṇṭu kazhaṟum uraikoḷḷēl

    uyya vēṇṭil iṟaivaṉ naṟaiyūril

    seyyuñ chiththīch charamē thavamāmē”.

    உடம்பின்கண் அழுக்குடையவர்களும், விரித்துக் கட்டும் நுண்ணிய

    ஆடைகளை அணியாதவர்களும், கைகளில் பலி ஏற்று உண்டு

    திரிபவர்களுமாகிய சமணர்கள் இடித்துக் கூறும் உரைகளைக்

    கொள்ளாதீர். நீர் இப்பிறப்பில் உய்தி பெற விரும்பினால், சிவபிரான்

    எழுந்தருளிய திருநறையூரில் செய்தமைத்த சித்தீச்சரத்தைச் சென்று

    வழிபடுமின். அதுவே சிறந்த தவமாம்.

11. 11

    மெய்த்து லாவு மறையோர் நறையூரில்சித்தன் சித்தீச் சரத்தை உயர்காழிஅத்தன் பாதம் அணிஞான சம்பந்தன்பத்தும் பாடப் பறையும் பாவமே

    The last verse names the singer as Gnanasambandan and says that those who sing these verses will have their sins removed.

    “Meyththu lāvu maṟaiyōr naṟaiyūril

    siththaṉ chiththīch charaththai uyarkāzhi

    aththaṉ pātham aṇigñāṉa sambanthaṉ

    paththum pāṭap paṟaiyum pāvamē”.

    வாய்மையே பேசி வாழும் மறையவர் வாழும் திருநறையூரின்கண் சித்தன்

    என்ற திருநாமத்தோடு விளங்கும் சிவபெருமானது சித்தீச்சரத்தை,

    மேலான காழி மாநகரில் விளங்கும் சிவபிரானது திருப்பாதங்களைத் தனது

    திருமுடிக்கு அணியாகக் கொண்ட ஞானசம்பந்தன் பாடிய இத்திருப்பதிகப்

    பாடல்கள் பத்தையும் பாடிப்பரவப் பாவங்கள் நீங்கும்.