Karuvili Kottitai Sri Sarguneswarar Temple 63rd of 129 on the south bank of the Kaveri · Chola Nadu · Temples near Mayiladuthurai

Appar visited this temple and sang this Pathigam. Verse 1 of 10.

Do not grieve, bewildered and caught in the whirling net of fragrant-haired women. Join the feet of the lord who dwells at Kottitai in Karuvili, so that the bound deeds go away.

Verse text and transliteration as given in the write-up. Word meanings and the English meaning are AI-assisted drafts.

All ten verses

1. 01

   மட்டிட் டகுழ லார்சுழ லில்வலைப்பட்டிட் டுமயங் கிப்பரி யாதுநீர்கட்டிட் டவினை போகக் கருவிலிக்கொட்டிட் டையுறை வான்கழல் கூடுமே

   Maṭṭiṭ ṭakuzha lārchuzha lilvalaip / paṭṭiṭ ṭumayaṅ kippari yāthunīr / kaṭṭiṭ ṭaviṉai pōkak karuvilik / koṭṭiṭ ṭaiyuṟai vāṉkazhal kūṭumē

   தேனையுடைய மலர்களைவைத்துச் சூடிய கூந்தலை உடைய பெண்களாகிய சுழலின் வலைப்பட்டு மனம் மயங்கிப் பின் இரங்காமல், நீர் உம்மைக் கட்டிய வினைகள் போக. கருவிலிக்கொட்டிட்டை உறையும் பெருமான் திருவடிகளைக் கூடுவீராக.

2. 02

   ஞால(ம்)மல்கு மனிதர்காள் நாடொறும்ஏல மாமல ரோடிலை கொண்டுநீர்கால னார்வரு தன்முன் கருவிலிக்கோல வார்பொழிற் கொட்டிட்டை சேர்மினே

   Gnāla(m)malku maṉitharkāḷ nāṭoṟum / ēla māmala rōṭilai koṇṭunīr / kāla ṉārvaru thaṉmuṉ karuvilik / kōla vārpozhiṟ koṭṭiṭṭai sērmiṉē

   உலகில் நிறைந்த மனிதர்களே! நாள்தோறும் சிறந்த மலர்களோடு பச்சிலைகளையும் பொருந்துமாறு கொண்டு, நீர்உமக்குக் கூற்றுவன் வருவதன் முன்பே அழகு மிக்க நெடிய பொழில்கள் சூழ்ந்த கருவிலிக்கொட்டிட்டையைச் சேர்வீராக.

3. 03

   பங்க மாயின பேசப் பறைந்துநீர்மங்கு மாநினை யாதே மலர்கொடுகங்கை சேர்சடை யான்றன் கருவிலிக்கொங்கு வார்பொழிற் கொட்டிட்டை சேர்மினே

   Paṅka māyiṉa pēsap paṟainthunīr / maṅku māniṉai yāthē malarkoṭu / gaṅgai sērsaṭai yāṉtṟaṉ karuvilik / koṅku vārpozhiṟ koṭṭiṭṭai sērmiṉē

   குற்றமுடையவற்றைப் பேசுதலால், நீர் மங்குமாற்றை நினையாமல் மலர்களைக்கொண்டு, கங்கை சேர்ந்த சடையானுக்குரிய மணம் மிக்க நெடிய பொழில்களை உடைய கருவிலிக்கொட்டிட்டையைச் சேர்வீராக.

4. 04

   வாடி நீர்வருந் தாதே மனிதர்காள்வேட னாய்விச யற்கருள் செய்தவெண்காட னாருறை கின்ற கருவிலிக்கோடு நீள்பொழிற் கொட்டிட்டை சேர்மினே

   Vāṭi nīrvarun thāthē maṉitharkāḷ / vēṭa ṉāyvisa yaṟkaruḷ seythaveṇ / kāṭa ṉāruṟai kiṉtṟa karuvilik / kōṭu nīḷpozhiṟ koṭṭiṭṭai sērmiṉē

   மனிதர்களே! நீர் துன்பங்களால் வாடிவருந்தாமல் அருச்சுனனுக்கு வேடனாய்வந்து அருள்செய்த திருவெண்காடனார் உறைகின்ற கிளைகள் நீண்ட பொழிலை உடைய கருவிலிக்கொட்டிட்டையைச் சேர்வீராக.

5. 05

   உய்யு மாறிது கேண்மின் உலகத்தீர்பைகொள் பாம்பரை யான்படை யார்மழுக்கையி னானுறை கின்ற கருவிலிக்கொய்கொள் பூம்பொழிற் கொட்டிட்டை சேர்மினே

   Uyyu māṟithu kēṇmiṉ ulakaththīr / paikoḷ pāmparai yāṉpaṭai yārmazhuk / kaiyi ṉāṉuṟai kiṉtṟa karuvilik / koykoḷ pūmpozhiṟ koṭṭiṭṭai sērmiṉē

   உலகத்தில் உள்ளவர்களே! இதுவே உய்யும்வழி; கேட்பீராக; படம்கொண்ட பாம்பை அரையின்கண் அணிந்தவனும்,மழுப்படை பொருந்திய கையை உடையவனும் ஆகிய பெருமான் உறைகின்ற, கொய்து கொள்ளத்தக்க பூக்களை உடைய பொழில் சூழ்ந்த கருவிலிக்கொட்டிட்டையைச் சேர்வீராக.

6. 06

   ஆற்ற வும்மவ லத்தழுந் தாதுநீர்தோற்றுந் தீயொடு நீர்நிலந் தூவெளிகாற்று மாகிநின் றான்றன் கருவிலிக்கூற்றங் காய்ந்தவன் கொட்டிட்டை சேர்மினே

   Ātṟa vum'mava laththazhun thāthunīr / thōtṟun thīyoṭu nīrnilan thūveḷi / kātṟu mākiniṉ tṟāṉtṟaṉ karuvilik / kūtṟaṅ kāynthavaṉ koṭṭiṭṭai sērmiṉē

   நீர், மிகவும் துன்பத்தில் அழுந்தாமல், தோற்றுகின்ற தீ, நீர், நிலம், விசும்பு, காற்று ஆகி நின்றவனும், கூற்றுவனைக் காய்ந்தவனும் ஆகிய பெருமானுக்குரிய கருவிலிக் கொட்டிட்டையைச் சேர்வீராக.

7. 07

   நில்லா வாழ்வு நிலைபெறு மென்றெண்ணிப்பொல்லா வாறு செயப்புரி யாதுநீர்கல்லா ரும்மதில் சூழ்தண் கருவிலிக்கொல்லே றூர்பவன் கொட்டிட்டை சேர்மினே

   Nillā vāzhvu nilaipeṟu meṉtṟeṇṇip / pollā vāṟu seyappuri yāthunīr / kallā rum'mathil chūzhthaṇ karuvilik / kollē ṟūrpavaṉ koṭṭiṭṭai sērmiṉē

   நில்லாத வாழ்வு நிலைபெறும் என்று எண்ணிப் பொல்லா நெறியின்கண் வினைகளைச் செய விரும்பாது, நீர், கல்லால் நிறைந்த மதில் சூழ்ந்து தண்ணியதும் கொல்லேறாகிய இடபத்தினை ஊர்வானுக்குரியதும் ஆகிய கருவிலிக் கொட்டிட்டையைச் சேர்வீராக.

8. 08

   பிணித்த நோய்ப்பிற விப்பிறி வெய்துமாறுணர்த்த லாமிது கேண்மின் உருத்திரகணத்தி னார்தொழு தேத்துங் கருவிலிக்குணத்தி னானுறை கொட்டிட்டை சேர்மினே

   Piṇiththa nōyppiṟa vippiṟi veythumā / ṟuṇarththa lāmithu kēṇmiṉ uruththira / kaṇaththi ṉārthozhu thēththuṅ karuvilik / kuṇaththi ṉāṉuṟai koṭṭiṭṭai sērmiṉē

   உம்மைப் பிணித்துள்ள துன்பம் நிறைந்த பிறவிப் பிரிவெய்தும் நெறியை உணர்த்தலாகின்ற இதனைக் கேட்பீராக! உருத்திரகணத்தினார் தொழுதேத்துவதும், எண்குணத்தினான் உறைவதும் ஆகிய கருவிலிக்கொட்டிட்டையைச் சேர்வீராக.

9. 09

   நம்பு வீரிது கேண்மின்கள் நாடொறும்எம்பி ரானென் றிமையவ ரேத்துமேகம்ப னாருறை கின்ற கருவிலிக்கொம்ப னார்பயில் கொட்டிட்டை சேர்மினே

   Nampu vīrithu kēṇmiṉkaḷ nāṭoṟum / empi rāṉeṉ tṟimaiyava rēththumē / kampa ṉāruṟai kiṉtṟa karuvilik / kompa ṉārpayil koṭṭiṭṭai sērmiṉē

   மனிதர்களே! நான் சொல்லும் இதனை நம்பிக் கேட்பீராக; நாள்தோறும் தேவர்கள் 'எம்பெருமான்!' என்று ஏத்தும் ஏகம்பத்து இறைவனார் உறைகின்றதும், பூங்கொம்பு போன்ற பெண்கள் பயில்வதும் ஆகிய கருவிலிக்கொட்டிட்டையைச் சேர்வீராக.

10. 10

    பாரு ளீரிது கேண்மின் பருவரைபேரு மாறெடுத் தானை யடர்த்தவன்கார்கொள் நீர்வயல் சூழ்தண் கருவிலிக்கூர்கொள் வேலினன் கொட்டிட்டை சேர்மினே

    The last verse calls on the people of the world to reach Kottitai in Karuvili, the home of the lord with a sharp spear.

    pāru ḷīrithu kēṇmiṉ paruvarai / pēru māṟeṭuth thāṉai yaṭarththavaṉ / kārkoḷ nīrvayal chūzhthaṇ karuvilik / kūrkoḷ vēliṉaṉ koṭṭiṭṭai sērmiṉē

    உலகிலுள்ளவர்களே! இது கேட்பீராக! பெரிய திருக்கயிலாய மலையைப் பேருமாறு எடுக்கலுற்ற இராவணனை அடர்த்தவனும் கூர்மைகொண்ட வேலை உடையவனும் ஆகிய பெருமான் உறைகின்ற கருமையைக் கொண்ட நீர் நிறைந்த வயல் சூழ்ந்த குளிர்ந்த கருவிலிக்கொட்டிட்டையைச் சேர்வீராக.