Thirukkondeeswaram Sri Pasupatheeswarar Temple 72nd of 129 on the south bank of the Kaveri · Chola Nadu · Temples near Mayiladuthurai

Saint Appar sang this Pathigam on visiting the temple. Verse 1 of 10.

The singer says he cannot restrain his five senses and cannot find the way out of the pit of birth and illusion. He asks the Lord, who wears a shining serpent at his waist and dwells at Thirukkondeecharam amid wave-swept fields, to say that he need not fear.

Verse text and transliteration as given in the write-up. Word meanings and the English meaning are AI-assisted drafts.

All ten verses

1. 01

   வரைகிலேன் புலன்க ளைந்தும் வரைகிலாப் பிறவி மாயப்புரையிலே அடங்கி நின்று புறப்படும் வழியுங் காணேன்அரையிலே மிளிரு நாகத் தண்ணலே அஞ்ச லென்னாய்திரையுலாம் பழன வேலித் திருக்கொண்டீச் சரத்து ளானே

   Varaikilēṉ pulaṉka ḷainthum varaikilāp piṟavi māyap / puraiyilē aṭaṅki niṉtṟu puṟappaṭum vazhiyuṅ kāṇēṉ / araiyilē miḷiru nākath thaṇṇalē añcha leṉṉāy / thiraiyulām pazhaṉa vēlith thirukkoṇṭīch charaththu ḷāṉē

   அலைகள் உலாவுகின்ற வயல்களால் சூழப்பட்ட திருக்கொண்டீச்சரத்துப் பெருமானே! இடையில் பாம்பினை விளங்குமாறு அணிந்த அண்ணலே! ஐம்புல வேட்கையை நீக்கும் ஆற்றல் இல்லேனாய், நீக்குதற்கு அரிய பிறவியாகிய வஞ்சனைப் படுகுழியிலே விழுந்து அதனினின்றும் கரையேறும் வழியைக் காணேனாய் உள்ள அடியேனுக்கு அஞ்சேல் என்று அருள் செய்வாயாக!

2. 02

   தொண்டனேன் பிறந்து வாளா தொல்வினைக் குழியில் வீழ்ந்துபிண்டமே சுமந்து நைந்து பேர்வதோர் வழியுங் காணேன்அண்டனே அண்ட வாணா அறிவனே அஞ்ச லென்னாய்தெண்டிரைப் பழனஞ் சூழ்ந்த திருக்கொண்டீச் சரத்து ளானே

   Thoṇṭaṉēṉ piṟanthu vāḷā tholviṉaik kuzhiyil vīzhnthu / piṇṭamē sumanthu nainthu pērvathōr vazhiyuṅ kāṇēṉ / aṇṭaṉē aṇṭa vāṇā aṟivaṉē añcha leṉṉāy / theṇṭiraip pazhaṉañ chūzhntha thirukkoṇṭīch charaththu ḷāṉē

   தேவனே! உலகங்களில் பரந்து எங்கும் கலந்து வாழ்பவனே! முக்காலமும் அறிபவனே! தௌந்த அலைகளை உடைய வயல்களால் சூழப்பட்ட கொண்டீச்சரத்துப் பெருமானே! உன் அடியேன் பிறவி எடுத்தபின் வீணாகப் பழைய வினைப்பயனாகிய குழியில் விழுந்து இந்த உடம்பைச் சுமந்து வருந்தி இத்துயரிலிருந்து தப்பிப் பிறவாமையை அடைவதற்குரிய வழியைக் காணேனாய் அஞ்சுகின்றேன். அடியேனுக்கு அஞ்சேல் என்று அருளுவாயாக.

3. 03

   கால்கொடுத் தெலும்பு மூட்டிக் கதிர்நரம் பாக்கை யார்த்துத்தோலுடுத் துதிர மட்டித் தொகுமயிர் மேய்ந்த கூரைஓலெடுத் துழைஞர் கூடி ஒளிப்பதற் கஞ்சு கின்றேன்சேலுடைப் பழனஞ் சூழ்ந்த திருக்கொண்டீச் சரத்து ளானே

   Kālkoṭuth thelumpu mūṭṭik kathirnaram pākkai yārththuth / thōluṭuth thuthira maṭṭith thokumayir mēyntha kūrai / ōleṭuth thuzhaiñar kūṭi oḷippathaṟ kañchu kiṉtṟēṉ / sēluṭaip pazhaṉañ chūzhntha thirukkoṇṭīch charaththu ḷāṉē

   சேல் மீன்களை உடைய வயல்கள் சூழ்ந்த கொண்டீச்சரப் பெருமானே! இரண்டு கால்களைக் கொடுத்து எலும்புகளைப் பொருத்தி, விளங்கும் நரம்புகளை உடம்பினுள் இணைத்துத் தோலை மேலே போர்த்திக் குருதியை உள்ளே நிரப்பித் தொக்க மயிர்களால் வேய்ந்து அமைக்கப்பட்ட கூரையாகிய இவ்வுடம்பு நிலையாமையை அடையும்போது பக்கத்திலுள்ள உற்றார் உறவினர் ஒன்று கூடி இதன் பிரிவிற்கு வாய் விட்டுக் கதறிச் சுடுகாட்டில் குழி தோண்டிப் புதைப்பதற்கு அஞ்சுகின்றேன்.

4. 04

   கூட்டமாய் ஐவர் வந்து கொடுந்தொழிற் குணத்த ராகிஆட்டுவார்க் காற்ற கில்லேன் ஆடர வசைத்த கோவேகாட்டிடை யரங்க மாக ஆடிய கடவு ளேயோசேட்டிரும் பழன வேலித் திருக்கொண்டீச் சரத்து ளானே

   Kūṭṭamāy aivar vanthu koṭunthozhiṟ kuṇaththa rāki / āṭṭuvārk kātṟa killēṉ āṭara vasaiththa kōvē / kāṭṭiṭai yaraṅka māka āṭiya kaṭavu ḷēyō / sēṭṭirum pazhaṉa vēlith thirukkoṇṭīch charaththu ḷāṉē

   ஆடுகின்ற பாம்பை இடையில் இறுகக் கட்டிய தலைவனே! சுடுகாட்டைக் கூத்தாடும் அரங்கமாகக் கொண்டு ஆடும் கடவுளே! பெருமை பொருந்திய பரப்புடைய வயல்களால் சூழப்பட்ட கொண்டீச்சரப் பெருமானே! ஐம்பொறிகளும் கூடிவந்து கொடிய தொழில்கள் செய்வதனையே தம் பண்பாகக் கொண்டு என்னைத் தம் விருப்பப்படி செயற்படுத்த அவற்றின் தொல்லையைப் பொறுக்க இயலாதேனாய் உள்ளேன்.

5. 05

   பொக்கமாய் நின்ற பொல்லாப் புழுமிடை முடைகொள் ஆக்கைதொக்குநின் றைவர் தொண்ணூற் றறுவருந் துயக்க மெய்தமிக்குநின் றிவர்கள் செய்யும் வேதனைக் கலந்து போனேன்செக்கரே திகழும் மேனித் திருக்கொண்டீச் சரத்து ளானே

   Pokkamāy niṉtṟa pollāp puzhumiṭai muṭaikoḷ ākkai / thokkuniṉ tṟaivar thoṇṇūt ṟaṟuvarun thuyakka meytha / mikkuniṉ tṟivarkaḷ seyyum vēthaṉaik kalanthu pōṉēṉ / sekkarē thikazhum mēṉith thirukkoṇṭīch charaththu ḷāṉē

   செம்மேனி அம்மானாகிய கொண்டீச்சரப் பெருமானே! நிலைபேறின்றிப் பொய்யாக அமைந்த அழகற்ற புழுக்கள் மிகக் கலந்த தீ நாற்றமுடைய இவ்வுடலிலே இணைந்து இருக்கின்ற ஐம்பொறிகளும், 96 தத்துவ தாத்துவிகங்களும் அடியேன் சோர்வு எய்துமாறு செய்யும் கொடுஞ்செயல்களைத் தாங்க இயலாமல் துன்புற்றிருக்கின்றேன்.

6. 06

   ஊனுலா முடைகொள் ஆக்கை உடைகல மாவ தென்றும்மானுலா மழைக்க ணார்தம் வாழ்க்கையை மெய்யென் றெண்ணிநானெலா மினைய கால நண்ணிலேன் எண்ண மில்லேன்தேனுலாம் பொழில்கள் சூழ்ந்த திருக்கொண்டீச் சரத்து ளானே

   Ūṉulā muṭaikoḷ ākkai uṭaikala māva theṉtṟum / māṉulā mazhaikka ṇārtham vāzhkkaiyai meyyeṉ tṟeṇṇi / nāṉelā miṉaiya kāla naṇṇilēṉ eṇṇa millēṉ / thēṉulām pozhilkaḷ chūzhntha thirukkoṇṭīch charaththu ḷāṉē

   வண்டுகள் உலாவும் பொழில்கள் சூழ்ந்த திருக்கொண்டீச்சரத்துப் பெருமானே! புலாலால் அமைக்கப்பட்ட நாற்றம் வீசும் உடம்புப் பாறையில் மோதி உடையும் மரக்கலம் போல்வது என்னும் எண்ணம் இல்லாதேனாய், மான் கண்கள் போன்று மருளும் குளிர்ந்த கண்களையுடைய மகளிரோடு வாழும் வாழ்க்கையை உண்மையான வாழ்வு என்று எண்ணினேனாய், அடியேன் இதுகாறும் உன்னை அணுகாது வாழ்க்கையைப் பாழாக்கிவிட்டேன்.

7. 07

   சாணிரு மடங்கு நீண்ட சழக்குடைப் பதிக்கு நாதர்வாணிகர் ஐவர் தொண்ணூற் றறுவரும் மயக்கஞ் செய்துபேணிய பதியின் நின்று பெயரும்போ தறிய மாட்டேன்சேணுயர் மாட நீடு திருக்கொண்டீச் சரத்து ளானே

   Chāṇiru maṭaṅku nīṇṭa sazhakkuṭaip pathikku nāthar / vāṇikar aivar thoṇṇūt ṟaṟuvarum mayakkañ seythu / pēṇiya pathiyiṉ niṉtṟu peyarumpō thaṟiya māṭṭēṉ / sēṇuyar māṭa nīṭu thirukkoṇṭīch charaththu ḷāṉē

   வானளாவிய மாடங்கள் பலவாக உள்ள திருக்கொண்டீச்சரத்துப் பெருமானே! ஒரு முழம் நீளம் உடைய பொய்யான உடம்பாகிய ஊருக்கு ஒன்றைக் கொடுத்து ஒன்றை வாங்கும் வாணிக நோக்கமுடைய ஐம்பொறிகளாகிய வாணிகரும், தொண்ணூற்றாறு தத்துவ தாத்துவிகங்களும் கலக்கத்தை உண்டாக்க அடியேன் விரும்பித் தங்கிய அவ்வூரிலிருந்து பிரிந்து போகக் கூடிய நாள் இன்னது என்பதனை அறியும் ஆற்றல் இல்லேனாய் உள்ளேன்.

8. 08

   பொய்ம்மறித் தியற்றி வைத்துப் புலால்கமழ் பண்டம் பெய்துபைம்மறித் தியற்றி யன்ன பாங்கிலாக் குரம்பை நின்றுகைம்மறித் தனைய வாவி கழியும்போ தறிய மாட்டேன்செந்நெறிச் செலவு காணேன் திருக்கொண்டீச் சரத்து ளானே

   Poym'maṟith thiyatṟi vaiththup pulālkamazh paṇṭam peythu / paim'maṟith thiyatṟi yaṉṉa pāṅkilāk kurampai niṉtṟu / kaim'maṟith thaṉaiya vāvi kazhiyumpō thaṟiya māṭṭēṉ / senneṟich chelavu kāṇēṉ thirukkoṇṭīch charaththu ḷāṉē

   திருக்கொண்டீச்சரத்துப்பெருமானே! பொய்களை வெளியே செல்லாதபடி தடுத்துத் திருப்பி அவற்றிற்கு வடிவுதந்து புலால் நாற்றம் வீசும் பொருள்களை அவற்றிற் பொருத்திப் பையை அழுக்குப் புலப்படாதபடி திருப்பி வைத்தாற்போன்று, எனக்குத் துணையாக உதவாத இந்த உடம்பிலிருந்து இது தகாது என்று கைகளால் குறிப்பிட்டுச் செல்வது போன்ற உயிர் நீங்கும் காலம் இது என்பதனை அறியும் ஆற்றல் இல்லேன். உயிருக்கு உறுதி தேடி நேரிய வழியில் செல்லும் ஞான சாரத்தையும் உணரேன்.

9. 09

   பாலனாய்க் கழிந்த நாளும் பனிமலர்க் கோதை மார்தம்மேலனாய்க் கழிந்த நாளும் மெலிவொடு மூப்பு வந்துகோலனாய்க் கழிந்த நாளுங் குறிக்கோளி லாது கெட்டேன்சேலுலாம் பழன வேலித் திருக்கொண்டீச் சரத்து ளானே

   Pālaṉāyk kazhintha nāḷum paṉimalark kōthai mārtham / mēlaṉāyk kazhintha nāḷum melivoṭu mūppu vanthu / kōlaṉāyk kazhintha nāḷuṅ kuṟikkōḷi lāthu keṭṭēṉ / sēlulām pazhaṉa vēlith thirukkoṇṭīch charaththu ḷāṉē

   சேல்கள் உலாவும் வயல்கள் சூழ்ந்த கொண்டீச்சரத்துப் பெருமானே! சிறுவனாய் இருந்து கழிந்தபாலப் பருவத்தும், குளிர்ந்த மலர் மாலைகளை அணிந்த மகளிருடைய தொடர்பு உடையவனாய்க் கழிந்த வாலிபப் பருவத்தும், மெலிவோடு கிழப் பருவம் வரக் கோலை ஊன்றிக் கழிந்த முதுமைப் பருவத்தும் குறிக்கோள் ஏதும் இன்றி வாழ்ந்து கெட்டுப் போயினேன்.

10. 10

    விரைதரு கருமென் கூந்தல் விளங்கிழை வேலொண் கண்ணாள்வெருவர இலங்கைக் கோமான் விலங்கலை எடுத்த ஞான்றுபருவரை யனைய தோளும் முடிகளும் பாறி வீழத்திருவிர லூன்றி னானே திருக்கொண்டீச் சரத்து ளானே

    The last verse tells how the Lord pressed his toe down when the king of Lanka lifted the mountain, so that the king's shoulders and crowns were scattered.

    Viraitharu karumeṉ kūnthal viḷaṅkizhai vēloṇ kaṇṇāḷ / veruvara ilaṅkaik kōmāṉ vilaṅkalai eṭuththa ñāṉtṟu / paruvarai yaṉaiya thōḷum muṭikaḷum pāṟi vīzhath / thiruvira lūṉtṟi ṉāṉē thirukkoṇṭīch charaththu ḷāṉē

    திருக்கொண்டீச்சரத்துப் பெருமான் நறுமணம் கமழும் கரிய மெல்லிய கூந்தலையும் விளங்குகின்ற அணிகலன்களையும் வேல்போன்ற ஒளிபொருந்திய கண்களையும் உடைய பார்வதி அஞ்சுமாறு இராவணன் மலையை எடுத்த போது அவனுடைய பருத்த மலைபோன்ற தோள்களும் முடிகளும் சிதறி விழுமாறு அழகிய கால் விரலை ஊன்றினார்.