Thiru Velvikudi Sri Manavaleswara Swamy Temple 23rd of 63 on the north bank of the Kaveri · Chola Nadu · Temples near Mayiladuthurai

Thirugnanasambandar visited this temple and sang this Pathigam. Verse 1 of 11.

The Lord bears the roaring Ganga, rising ever higher, on a matted lock, and takes the skull as the vessel for the alms given to him. Fittingly, he stays with Umai by day at Thuruthi, a refuge surrounded by green groves and swelling waters. At night he dwells at Velvikudi.

Verse text and transliteration as given in the write-up. Word meanings and the English meaning are AI-assisted drafts.

All eleven verses

1. 01

   ஓங்கிமேல் உழிதரும் ஒலிபுனற் கங்கையை ஒருசடைமேற்தாங்கினார் இடுபலி தலைகலனாக்கொண்ட தம்மடிகள்பாங்கினால் உமையொடும் பகலிடம் புகலிடம் பைம்பொழில்சூழ்வீங்குநீர்த் துருத்தியார் இரவிடத் துறைவர்வேள் விக்குடியே

   Ōṅkimēl uzhitharum olipuṉaṟ gaṅkaiyai orusaṭaimēṟ / thāṅkiṉār idupali thalaikalaṉākkoṇṭa tham'maṭikaḷ / pāṅkiṉāl umaiyoṭum pakaliṭam pukaliṭam paimpozhilchūzh / vīṅkunīrth thuruththiyār iraviṭath thuṟaivarvēḷ vikkuṭiyē

   சிவபெருமான், மேன்மேலும் ஓங்கி எழுந்து ஓசையுடன் பெருக்கெடுத்து வந்த கங்கையாற்றின் வெள்ளத்தை ஒரு சடையில் தாங்கியவர். இடுகின்ற பிச்சையை ஏற்கத் தலை யோட்டையே பாத்திரமாகக் கொண்ட தலைவர். முறைப்படி, பகற்காலத்தில் தங்குமிடமாகப் பசுமையான சோலைகள் சூழ்ந்ததும், நீர்ச்செழிப்பு மிக்கதுமான திருத்துருத்தி என்னும் திருத்தலத்தை உடையவர். அப்பெருமானே இரவில் திருவேள்விக்குடிஎன்னும் திருத்தலத்தில் வீற்றிருந்தருளுகின்றார்.

2. 02

   தூறுசேர் சுடலையிற் சுடரெரி யாடுவர் துளங்கொளிசேர்நீறுசாந் தெனவுகந் தணிவர்வெண் பிறைமல்கு சடைமுடியார்நாறுசாந் திளமுலை யரிவையோ டொருபகல் அமர்ந்தபிரான்வீறுசேர் துருத்தியார் இரவிடத் துறைவர்வேள் விக்குடியே

   Thūṟusēr suṭalaiyiṟ suṭareri yāṭuvar thuḷaṅkoḷisēr / nīṟusān theṉavukan thaṇivarveṇ piṟaimalku saṭaimuṭiyār / nāṟusān thiḷamulai yarivaiyō ṭorupakal amarnthapirāṉ / vīṟusēr thuruththiyār iraviṭath thuṟaivarvēḷ vikkuṭiyē

   சிவபெருமான், புதர்ச்செடிகள் நிறைந்த சுடுகாட்டில் ஒளிவிடும் நெருப்பேந்தி ஆடுபவர். விளங்கும் ஒளியுடைய திருநீற்றினைக் கலவைச் சந்தனம் போல மகிழ்ச்சியுடன் அணிந்து கொள்பவர். வெண்மையான பிறைச்சந்திரனை அணிந்த சடைமுடி உடையவர். மணம் கமழும் சந்தனக்குழம்பை அணிந்த இளமையான கொங்கைகளையுடைய உமாதேவியோடு பொருள் வளமிக்க திருத்துருத்தியில் பகற்காலத்தில் தங்கியிருப்பவர். இரவில் திருவேள்விக்குடியில் வீற்றிருந்தருள்பவர்.

3. 03

   மழைவளர் இளமதி மலரொடு தலைபுல்கு வார்சடைமேற்கழைவளர் புனல்புகக் கண்டவெங் கண்ணுதற் கபாலியார்தாம்இழைவளர் துகிலல்குல் அரிவையோ டொருபகல் அமர்ந்தபிரான்விழைவளர் துருத்தியார் இரவிடத் துறைவர்வேள் விக்குடியே

   Mazhaivaḷar iḷamathi malaroṭu thalaipulku vārsaṭaimēṟ / kazhaivaḷar puṉalpukak kaṇṭaveṅ kaṇṇuthaṟ kapāliyārthām / izhaivaḷar thukilalkul arivaiyō ṭorupakal amarnthapirāṉ / vizhaivaḷar thuruththiyār iraviṭath thuṟaivarvēḷ vikkuṭiyē

   குளிர்ச்சியான இளம்பிறையும், கொன்றை, ஊமத்தை போன்ற மலர்களோடு ஒரு வெண்தலையும் பொருந்திய நீண்ட சடையின் மீது, கரும்பு முதலிய பயிர்களை வளர்க்கும் கங்கை நதியினைத் தங்கச் செய்த எம் கண்ணுதல் கடவுளாகிய சிவபெருமான் பிரம கபாலம் ஏந்தியவர். அவர் இழைகளால் நெய்யப்பட்ட ஆடையணிந்த அல்குலையுடைய உமாதேவியோடு பகலில், மேன்மேலும் தரிசிக்க ஆசைதரும் திருத்துருத்தியில் வீற்றிருந்தருளுவார். அவரே இரவில் திருவேள்விக்குடியில் வீற்றிருந்தருளுவார்.

4. 04

   கரும்பன வரிசிலைப் பெருந்தகைக் காமனைக் கவினழித்தசுரும்பொடு தேன்மல்கு தூமலர்க் கொன்றையஞ் சுடர்ச்சடையார்அரும்பன வனமுலை அரிவையோ டொருபகல் அமர்ந்தபிரான்விரும்பிடந் துருத்தியார் இரவிடத் துறைவர்வேள் விக்குடியே

   Karumpaṉa varisilaip perunthakaik kāmaṉaik kaviṉazhiththa / surumpoṭu thēṉmalku thūmalark koṉtṟaiyañ suṭarchchaṭaiyār / arumpaṉa vaṉamulai arivaiyō ṭorupakal amarnthapirāṉ / virumpiṭan thuruththiyār iraviṭath thuṟaivarvēḷ vikkuṭiyē

   இறைவன் கரும்பு வில்லையுடைய பெருந்தகையாகிய மன்மதனின் அழகிய உடலை அழித்தவர். வண்டுகள் மொய்க்கும், தேன் மணம் கமழும் தூய கொன்றை மலரை அழகிய ஒளிமிக்க சடைமுடியில் அணிந்தவர். அவர் தாமரை மொட்டுப் போன்று அழகிய கொங்கைகளை உடைய உமா தேவியோடு பகலில் விரும்பி வீற்றிருந்தருளும் இடம் திருத்துருத்தி என்னும் திருத்தலமாகும். அவரே இரவில் வீற்றிருந்தருளுவது திருவேள்விக்குடி என்னும் திருத்தலமாகும்.

5. 05

   வளங்கிளர் மதியமும் பொன்மலர்க் கொன்றையும் வாளரவுங்களங்கொளச் சடையிடை வைத்தஎங் கண்ணுதற் கபாலியார்தாந்துளங்குநூல் மார்பினர் அரிவையோ டொருபகல் அமர்ந்தபிரான்விளங்குநீர்த் துருத்தியார் இரவிடத் துறைவர்வேள் விக்குடியே

   Vaḷaṅkiḷar mathiyamum poṉmalark koṉtṟaiyum vāḷaravuṅ / kaḷaṅkoḷach chaṭaiyiṭai vaiththa'eṅ kaṇṇuthaṟ kapāliyārthān / thuḷaṅkunūl mārpiṉar arivaiyō ṭorupakal amarnthapirāṉ / viḷaṅkunīrth thhurutthiyār iraviṭath thuṟaivarvēḷ vikkuṭiyē

   அழகு மிளிரும் சந்திரனும், பொன் போன்ற கொன்றைமலரும், வாள் போன்று ஒளிரும் பாம்பும் இருக்குமிடமாகச் சடைமுடியில் வைத்தருளிய, நெற்றிக்கண்ணையுடைய எங்கள் சிவபெருமான் பிரமகபாலம் ஏந்தியவர். அசைகின்ற முப்புரி நூலணிந்த மார்பினர். அவர் உமாதேவியாரோடு பகலில் நீர்வளமிக்க திருத்துருத்தி என்னும் திருத்தலத்திலும், இரவில் திருவேள்விக்குடி என்னும் திருத்தலத்திலும் வீற்றிருந்தருளுவார்.

6. 06

   பொறியுலாம் அடுபுலி யுரிவையர் வரியராப் பூண்டிலங்கும்நெறியுலாம் பலிகொளும் நீர்மையர் சீர்மையை நினைப்பரியார்மறியுலாங் கையினர் மங்கையோ டொருபகல் அமர்ந்தபிரான்வெறியுலாந் துருத்தியார் இரவிடத் துறைவர்வேள் விக்குடியே

   Poṟiyulām aṭupuli yurivaiyar variyarāp pūṇṭilaṅkum / neṟiyulām palikoḷum nīrmaiyar sīrmaiyai niṉaippariyār / maṟiyulāṅ kaiyiṉar maṅkaiyō ṭorupakal amarnthapirāṉ / veṟiyulān thuruththiyār iraviṭath thuṟaivarvēḷ vikkuṭiyē

   சிவபெருமான் வரிகளையுடைய கொல்லும் தன்மையுடைய புலித்தோலாடை அணிந்தவர். நெடிய பாம்பை ஆபரணமாகப் பூண்டவர். பிச்சை எடுப்பதை நெறியாகக் கொண்டதன்மையர். இத்தகைய எளிமை உடையவர் ஆயினும், எவராலும் நினைத்துப் பார்ப்பதற்கும் அரிய பெருமையுடையவர். மான்கன்று ஏந்திய கையினர். அத்தகைய பெருமான் உமா தேவியாரோடு பகலில் நறுமணம் கமழும் திருத்துருத்தி என்னும் திருத்தலத்திலும், இரவில் திருவேள்விக்குடி என்னும் திருத் தலத்திலும் வீற்றிருந்தருளுகின்றார்.

7. 07

   புரிதரு சடையினர் புலியுரி யரையினர் பொடியணிந்துதிரிதரும் இயல்பினர் திரிபுர மூன்றையுந் தீவளைத்தார்வரிதரு வனமுலை மங்கையோ டொருபகல் அமர்ந்தபிரான்விரிதரு துருத்தியார் இரவிடத் துறைவர்வேள் விக்குடியே

   Puritharu saṭaiyiṉar puliyuri yaraiyiṉar poṭiyaṇinthu / thiritharum iyalpiṉar thiripura mūṉtṟaiyun thīvaḷaiththār / varitharu vaṉamulai maṅkaiyō ṭorupakal amarnthapirāṉ / viritharu thuruththiyār iraviṭath thuṟaivarvēḷ vikkuṭiyē

   சிவபெருமான் முறுக்குண்ட சடையினை உடையவர். புலியின் தோலை அரையில் உடுத்தவர். திருவெண்நீற்றை அணிந்து கொண்டு திரியும் இயல்பினர். திரியும் புரங்கள் மூன்றையும் தீயால் வளைவித்து எரித்தவர். சந்தனக் கீற்றுக்கள் எழுதப் பெற்ற அழகிய கொங்கைகளையுடைய உமாதேவியோடு பகலில் திருத் துருத்தி என்னும் திருத்தலத்திலும், இரவில் திருவேள்விக்குடி என்னும் திருத்தலத்திலும் வீற்றிருந்தருளுவார்.

8. 08

   நீண்டிலங் கவிரொளி நெடுமுடி யரக்கன்இந் நீள்வரையைக்கீண்டிடந் திடுவனென் றெழுந்தவ னாள்வினைக் கீழ்ப்படுத்தார்பூண்டநூல் மார்பினர் அரிவையோ டொருபகல் அமர்ந்தபிரான்வேண்டிடந் துருத்தியார் இரவிடத் துறைவர்வேள் விக்குடியே

   Nīṇṭilaṅ kaviroḷi neṭumuṭi yarakkaṉin nīḷvaraiyaik / kīṇṭiṭan thiṭuvaṉeṉ tṟezhunthava ṉāḷviṉaik kīzhppaṭuththār / pūṇṭanūl mārpiṉar arivaiyō ṭorupakal amarnthapirāṉ / vēṇṭiṭan thuruththiyār iraviṭath thhuṟaivarvēḷ vikkuṭiyē

   நெடுந்தூரம் விளங்கிப் பிரகாசிக்கும் இரத்தினங்கள் பதிக்கப்பட்ட பெரிய கிரீடத்தை அணிந்துள்ள இராவணன் “இப்பெரிய கயிலைமலையைப் பெயர்த்தெடுத்து அப் பாலிடுவேன்” என்று ஆணவத்துடன் எழுந்த அவனது முயற்சியை அழித்தருளியவர் சிவபெருமான். அவர் பூணூல் அணிந்த திருமார்பினர். அவர் உமாதேவியோடு பகலில், விரும்பி வீற்றிருந்தருளும் இடம் திருத்துருத்தி என்னும் திருத்தலமாகும். இரவில் திருவேள்விக்குடி என்னும் திருத்தலத்தில் வீற்றிருந்தருளுவார்.

9. 09

   கரைகடல் அரவணைக் கடவுளுந் தாமரை நான்முகனுங்குரைகழ லடிதொழக் கூரெரி யெனநிறங் கொண்டபிரான்வரைகெழு மகளொடும் பகலிடம் புகலிடம் வண்பொழில்சூழ்விரைகமழ் துருத்தியார் இரவிடத் துறைவர்வேள் விக்குடியே

   Karaikaṭal aravaṇaik kaṭavuḷun thāmarai nāṉmukaṉuṅ / kuraikazha laṭithozhak kūreri yeṉaniṟaṅ koṇṭapirāṉ / varaikezhu makaḷoṭum pakaliṭam pukaliṭam vaṇpozhilchūzh / viraikamazh thuruththiyār iraviṭath thuṟaivarvēḷ vikkuṭiyē

   ஒலிக்கின்ற கடலில் பாம்புப் படுக்கையில் துயில்கொள்ளும் திருமாலும், தாமரை மலரில் வீற்றிருக்கும் பிரமனும், ஒலிக்கும் வீரக்கழல்களை அணிந்த தம் திருவடிகளை, செருக்கழிந்து தொழுமாறு ஓங்கிய நெருப்பு வடிவாய் நின்றவர் சிவபெருமான். அவர் மலைமகளான உமாதேவியோடு பகலில் வீற்றிருந்தருளும் இடம் வளமை வாய்ந்த சோலைகள் சூழ்ந்த நறுமணம் கமழும் திருத்துருத்தி என்னும் திருத்தலமாகும். இரவில் திருவேள்விக்குடி என்னும் திருத்தலத்தில் வீற்றிருந்தருளுகின்றார்.

10. 10

    அயமுக வெயினிலை அமணருங் குண்டருஞ் சாக்கியரும்நயமுக வுரையினர் நகுவன சரிதைகள் செய்துழல்வார்கயலன வரிநெடுங் கண்ணியோ டொருபகல் அமர்ந்தபிரான்வியனகர்த் துருத்தியார் இரவிடத் துறைவர்வேள் விக்குடியே

    Ayamuka veyiṉilai amaṇaruṅ kuṇṭaruñ chākkiyarum / nayamuka vuraiyiṉar nakuvaṉa sarithaikaḷ seythuzhalvār / kayalaṉa varineṭuṅ kaṇṇiyō ṭorupakal amarnthapirāṉ / viyaṉakarth thuruththiyār iraviṭath thuṟaivarvēḷ vikkuṭiyē

    பழுக்கக் காய்ச்சிய இரும்பு போல் சுடும் வெயிலில் தவமென்று நிற்றலையுடைய சமணர்களும், குண்டர்களாகிய புத்தர்களும், இன்முகத்தோடு நயமாகப் பேசி, நகைச்சுவை ததும்பும் செயல்களைச் செய்து திரிபவர்கள். ஆதலால் அவர் உரைகளைக் கொள்ளாதீர். கயல்மீன் போன்ற, அழகிய, வரிகளையுடைய நீண்ட கண்களையுடைய உமாதேவியோடு பகலில் அகன்ற நகராகிய திருத் துருத்தியில் வீற்றிருந்தருளும் சிவபெருமான் இரவில் திருவேள்விக் குடியில் வீற்றிருந்தருளுகின்றார். அவரை வழிபட்ட உய்வீர்களாக.

11. 11

    விண்ணுலாம் விரிபொழில் விரைமணல் துருத்திவேள் விக்குடியும்ஒண்ணுலாம் ஒலிகழல் ஆடுவார் அரிவையோ டுறைபதியைநண்ணுலாம் புகலியுள் அருமறை ஞானசம் பந்தன்சொன்னபண்ணுலாம் அருந்தமிழ் பாடுவார் ஆடுவார் பழியிலரே

    The last verse names the saint who sang it and says that those who sing and dance to this Tamil hymn are free of blame.

    Viṇṇulām viripozhil viraimaṇal thuruththivēḷ vikkuṭiyum / oṇṇulām olikazhal āṭuvār arivaiyō ṭuṟaipathiyai / naṇṇulām pukaliyuḷ arumaṟai gñāṉasam banthaṉsoṉṉa / paṇṇulām arunthamizh pāṭuvār āṭuvār pazhiyilarē

    ஒளிவிடும், ஒலிக்கின்ற கழல்கள் அணிந்து திருநடனம் செய்யும் சிவபெருமான் உமாதேவியோடு வீற்றிருந்தருளுகின்ற, ஆகாயம்வரை உயர்ந்துள்ள விரிந்த சோலைகள் நிறைந்த, மணம் பொருந்திய மணற் பரப்பையுடைய திருத்துருத்தி, திருவேள்விக்குடி ஆகிய திருத்தலங்களைப் போற்றி அனைவரும் வழிபடும் திருப்புகலியில் அவதரித்த அருமறைவல்ல ஞானசம்பந்தன் பாடிய பண்ணோடு கூடிய இந்த அரிய தமிழ்ப்பதிகத்தைப் பாடுபவர்களும், பரவசமடைந்து ஆடுபவர்களும் எவ்விதமான பழியும், பாவமும் இல்லாதவர்களாவர்.