Nannilathu Perungkoil Sri Madhuvaneswarar Temple 71st of 129 on the south bank of the Kaveri · Chola Nadu · Temples near Mayiladuthurai

Sundarar visited this temple and sang this Pathigam. Verse 1 of 11.

The lord is cool and fierce by nature. He goes from door to door for alms, taking it from soft-spoken women, and he is Pandarangan. He is the one who desired the great temple of Nannilam, where Vedic scholars praise his feet in due order.

Verse text and transliteration as given in the write-up. Word meanings and the English meaning are AI-assisted drafts.

All eleven verses

1. 01

   தண்ணியல் வெம்மையி னான்றலை யிற்கடை தோறும்பலிபண்ணியல் மென்மொழி யார்இடக் கொண்டுழல் பண்டரங்கன்புண்ணிய நான்மறை யோர்முறை யாலடி போற்றிசைப்பநண்ணிய நன்னிலத் துப்பெருங் கோயில் நயந்தவனே

   Thaṇṇiyal vem'maiyi ṉāṉtṟalai yiṟkaṭai thōṟumpali / paṇṇiyal meṉmozhi yār'iṭak koṇṭuzhal paṇṭaraṅkaṉ / puṇṇiya nāṉmaṟai yōrmuṟai yālaṭi pōtṟisaippa / naṇṇiya naṉṉilath thupperuṅ kōyil nayanthavaṉē

   புண்ணியத்தைச் செய்கின்ற, நான்கு வேதங்களையும் உணர்ந்த அந்தணர்கள், முறைப்படி தனது, திருவடிக்குப் போற்றி சொல்லி வழிபடும்படி, பலரும் அடைந்து வணங்கும் திருநன்னிலத்தில் உள்ள பெருங்கோயிலை விரும்பி எழுந்தருளியிருக்கின்ற பெருமான், தண்ணிய இயல்பினையும், வெவ்விய இயல்பினையும் ஒருங்குடையவன்; வாயில்கள்தோறும் சென்று, பண்போலும் இயல்பினையுடைய இனிய மொழியையுடைய மகளிரிடம் தலையோட்டில் பிச்சை யேற்றுத்திரிகின்ற 'பாண்டரங்கம்' என்னும் கூத்தினை யுடையவன்.

2. 02

   வலங்கிளர் மாதவஞ் செய்மலை மங்கையோர் பங்கினனாய்ச்சலங்கிளர் கங்கைதங் கச்சடை யொன்றிடை யேதரித்தான்பலங்கிளர் பைம்பொழில் தண்பனி வெண்மதி யைத்தடவநலங்கிளர் நன்னிலத் துப்பெருங் கோயில் நயந்தவனே

   Valaṅkiḷar māthavañ cheymalai maṅkaiyōr paṅkiṉaṉāych / chalaṅkiḷar gaṅgaithaṅ kachchaṭai yoṉtṟiṭai yēthariththāṉ / palaṅkiḷar paimpozhil thaṇpaṉi veṇmathi yaiththaṭava / nalaṅkiḷar naṉṉilath thupperuṅ kōyil nayanthavaṉē

   பயன் மிகுந்த, பசிய சோலைகள், குளிர்ந்த, வெள்ளிய சந்திரனைத் தடவுதலால் அழகு மிகுகின்ற திருநன்னிலத்தில் உள்ள பெருங்கோயிலை விரும்பி எழுந்தருளியிருக்கின்ற பெருமான், வெற்றி மிக்க, பெரிய தவத்தைச் செய்த மலைமகளை ஒருபாகத்தில் உடையவனாய், வெள்ளம் மிகுந்த கங்கையைத் தனது சடைகளுள் ஒன்றிலே தங்கும்படி தடுத்து வைத்துள்ளான்.

3. 03

   கச்சிய னின்கருப் பூர்விருப் பன்கரு திக்கசிவார்உச்சியன் பிச்சையுண் ணியுல கங்களெல் லாமுடையான்நொச்சியம் பச்சிலை யான்நுரை தீர்புன லாற்றொழுவார்நச்சிய நன்னிலத் துப்பெருங் கோயில் நயந்தவனே

   Kachchiya ṉiṉkarup pūrvirup paṉkaru thikkasivār / uchchiyaṉ pichchaiyuṇ ṇiyula kaṅkaḷel lāmuṭaiyāṉ / nochchiyam pachchilai yāṉnurai thīrpuṉa lātṟozhuvār / nachchiya naṉṉilath thupperuṅ kōyil nayanthavaṉē

   நொச்சியின் பச்சிலையும், நுரை இல்லாத தூய நீரும் கொண்டு வழிபடுவோர் விரும்புகின்ற திருநன்னிலத்தில் உள்ள பெருங்கோயிலை விரும்பி எழுந்தருளியிருக்கின்ற பெருமான். கச்சிப்பதியில் எழுந்தருளியிருப்பவன்; இனிய கரும்பின்கண் செல்லுகின்ற விருப்பம்போலும் விருப்பம் செல்லுதற்கு இடமானவன்; தன்னை நினைந்து உருகுபவரது தலைமேல் இருப்பவன்; பிச்சையேற்று உண்பவன்; உலகங்கள் எல்லாவற்றையும் உடையவன்.

4. 04

   பாடிய நான்மறை யான்படு பல்பிணக் காடரங்காஆடிய மாநடத் தானடிபோற்றியென் றன்பினராய்ச்சூடிய செங்கையி னார்பல தோத்திரம் வாய்த்தசொல்லிநாடிய நன்னிலத் துப்பெருங் கோயில் நயந்தவனே

   Pāṭiya nāṉmaṟai yāṉpaṭu palpiṇak kāṭaraṅkā / āṭiya mānaṭath thāṉaṭipōtṟiyeṉ tṟaṉpiṉarāych / chūṭiya seṅkaiyi ṉārpala thōththiram vāyththasolli / nāṭiya naṉṉilath thupperuṅ kōyil nayanthavaṉē

   தலைமேற் குவித்த கையை உடைய பலர், மிக்க அன்புடையவர்களாய். 'திருவடி போற்றி' என்று, பொருந்திய தோதிரங்களைச் சொல்லி அடைகின்ற திருநன்னிலத்தில் உள்ள பெருங்கோயிலை விரும்பி எழுந்தருளியிருக்கின்ற இறைவன், தன்னால் பாடப்பட்ட நான்கு வேதங்களை யுடையவன்; இறந்த பல பிணங்களையுடைய காடே அரங்கமாக ஆடுகின்ற, சிறந்த நடனத்தையுடையவன்.

5. 05

   பிலந்தரு வாயினொ டுபெரி தும்வலி மிக்குடையசலந்தரன் ஆகம் இருபிள வாக்கிய சக்கரமுன்நிலந்தரு மாமகள் கோன்நெடு மாற்கருள் செய்தபிரான்நலந்தரு நன்னிலத் துப்பெருங் கோயில் நயந்தவனே

   Pilantharu vāyiṉo ṭuperi thumvali mikkuṭaiya / salantharaṉ ākam irupiḷa vākkiya sakkaramuṉ / nilantharu māmakaḷ kōṉneṭu māṟkaruḷ seythapirāṉ / nalantharu naṉṉilath thupperuṅ kōyil nayanthavaṉē

   நன்மையைத் தருகின்ற திருநன்னிலத்தில் உள்ள பெருங்கோயிலை விரும்பி எழுந்தருளியிருக்கின்ற பெருமான், பிலம் போன்ற வாயையும், பெரிதும் மிகுந்த வலிமையையும் உடைய சலந்தராசுரனது உடலை இரண்டு பிளவாகச் செய்த சக்கராயுதத்தை, முன்பு, மண்ணை உண்டு உமிழ்ந்த திருமகள் கணவனாகிய திருமாலுக்கு அளித்த தலைவன்.

6. 06

   வெண்பொடி மேனியி னான்கரு நீல மணிமிடற்றான்பெண்படி செஞ்சடை யான்பிர மன்சிரம் பீடழித்தான்பண்புடை நான்மறை யோர்பயின் றேத்திப்பல் கால்வணங்கும்நண்புடை நன்னிலத் துப்பெருங் கோயில் நயந்தவனே

   Veṇpoṭi mēṉiyi ṉāṉkaru nīla maṇimiṭatṟāṉ / peṇpaṭi cheñchaṭai yāṉbira maṉsiram pīṭazhiththāṉ / paṇpuṭai nāṉmaṟai yōrpayiṉ tṟēththippal kālvaṇaṅkum / naṇpuṭai naṉṉilath thupperuṅ kōyil nayanthavaṉē

   நல்ல பண்பினையுடைய நான்கு வேதங்களை உணர்ந்தவர்களாகிய அந்தணர்கள், பல மந்திரங்களையும் நன்கு பயின்று, பன்முறை துதித்து வணங்கும், நட்பாம் தன்மையுடைய திருநன்னிலத்தில் உள்ள பெருங்கோயிலை விரும்பி எழுந்தருளியிருக்கின்ற பெருமான், வெண்பொடியைப் பூசிய மேனியை உடையவன்; நீல மணிபோலும் கரிய கண்டத்தை யுடையவன்; கங்கையாகிய பெண் பொருந்தியுள்ள சடையை உடையவன்; பிரமதேவனது தலையை, பெருமை கெட அறுத்தவன்.

7. 07

   தொடைமலி கொன்றைதுன் றுஞ்சடை யன்சுடர் வெண்மழுவாட்படைமலி கையன்மெய் யிற்பகட் டீருரிப் போர்வையினான்மடைமலி வண்கம லம்மலர் மேல்மட வன்னம்மன்னிநடைமலி நன்னிலத் துப்பெருங் கோயில் நயந்தவனே

   Thoṭaimali koṉtṟaithuṉ tṟuñchaṭai yaṉchuṭar veṇmazhuvāṭ / paṭaimali kaiyaṉmey yiṟpakaṭ ṭīrurip pōrvaiyiṉāṉ / maṭaimali vaṇkama lam'malar mēlmaṭa vaṉṉam'maṉṉi / naṭaimali naṉṉilath thupperuṅ kōyil nayanthavaṉē

   இளமையான அன்னப் பறவைகள், நீர்மடைகளில் நிறைந்துள்ள, வளவிய தாமரை மலர்மேல் தங்கிப் பின் அப்பாற் சென்று நடத்தல் நிறைந்த திருநன்னிலத்தில் உள்ள பெருங்கோயிலை விரும்பி எழுந்தருளியிருக்கின்ற பெருமான், மாலையாக நிறைந்த கொன்றைமலர் பொருந்திய சடையை உடையவன்; ஒளிவீசுகின்ற வெள்ளிய மழுவாகிய ஆளும் படைக்கலம் நிறைந்த கையை உடையவன்; திருமேனியில் யானையினது உரித்த தோலாகிய போர்வையை உடையவன்.

8. 08

   குளிர்தரு திங்கள்கங் கைகுர வோடரக் கூவிளமும்மிளிர்தரு புன்சடை மேலுடை யான்விடை யான்விரைசேர்தளிர்தரு கோங்குவேங் கைதட மாதவி சண்பகமும்நளிர்தரு நன்னிலத் துப்பெருங் கோயில் நயந்தவனே

   Kuḷirtharu thiṅkaḷgaṅ gaikura vōṭarak kūviḷamum / miḷirtharu puṉsaṭai mēluṭai yāṉviṭai yāṉviraisēr / thaḷirtharu kōṅkuvēṅ kaithaṭa māthavi saṇpakamum / naḷirtharu naṉṉilath thupperuṅ kōyil nayanthavaṉē

   நறுமணம் பொருந்திய, தளிர்களைத் தருகின்ற கோங்கு, வேங்கை, வளைவையுடைய குருக்கத்தி, சண்பகம் முதலிய பூமர வகைகள் பலவும் குளிர்ச்சியைத் தருகின்ற திருநன்னிலத்தில் உள்ள பெருங்கோயிலை விரும்பி எழுந்தருளியிருக்கின்ற பெருமான், தனது ஒளிவீசுகின்ற, புல்லிய சடையின்மேல், குளிர்ச்சியைத் தருகின்ற சந்திரன், கங்கை, பாம்பு, குராமலர், கூவிள இலை முதலிய இவைகளை உடையவன்; இடபத்தை ஊர்கின்றவன்.

9. 09

   கமர்பயில் வெஞ்சுரத் துக்கடுங் கேழற்பின் கானவனாய்அமர்பயில் வெய்திய ருச்சுன னுக்கருள் செய்தபிரான்தமர்பயில் தண்விழ வில்தகு சைவர் தவத்தின்மிக்கநமர்பயில் நன்னிலத் துப்பெருங் கோயில் நயந்தவனே

   Kamarpayil veñchurath thukkaṭuṅ kēzhaṟpiṉ kāṉavaṉāy / amarpayil veythiya ruchchuṉa ṉukkaruḷ seythapirāṉ / thamarpayil thaṇvizha vilthaku saivar thavaththiṉmikka / namarpayil naṉṉilath thupperuṅ kōyil nayanthavaṉē

   உலகத்தவர் மிக்குள்ள தண்ணிய விழாக்களையுடைய, தகுதிவாய்ந்த சைவர்களாகிய, தவத்திற் சிறந்த நம்மவர் மிக்கு வாழ்கின்ற திருநன்னிலத்தில் உள்ள பெருங்கோயிலை விரும்பி எழுந்தருளியிருக்கின்ற பெருமான், நிலப் பிளப்புக்கள் மிகுந்த கொடிய கற்சுரத்தில், கொடிய பன்றியின்பின்னே வேடுவனாய்ச் சென்று அருச்சுனனோடு போராடுதலைப் பொருந்தி, அவனுக்குத் திருவருள் செய்த தலைவனாவான்.

10. 10

    கருவரை போலரக் கன்கயி லைம்மலைக் கீழ்க்கதறஒருவிர லாலடர்த் தின்னருள் செய்த உமாபதிதான்திரைபொரு பொன்னிநன் னீர்த்துறை வன்றிகழ் செம்பியர்கோன்நரபதி நன்னிலத் துப்பெருங் கோயில் நயந்தவனே

    Karuvarai pōlarak kaṉkayi laim'malaik kīzhkkathaṟa / oruvira lālaṭarth thiṉṉaruḷ seytha umāpathithāṉ / thiraiporu poṉṉinaṉ ṉīrththuṟai vaṉtṟikazh sempiyarkōṉ / narapathi naṉṉilath thupperuṅ kōyil nayanthavaṉē

    அலை மோதுகின்ற காவிரியாற்றினது நல்ல நீர்த்துறையை உடையவனும், சோழர்கோமகனும் ஆகிய அரசன் செய்த, திருநன்னிலத்துப் பெருங்கோயிலை விரும்பி எழுந்தருளியிருக்கின்ற பெருமான், அரக்கனாகிய இராவணன், கயிலாய மலையின்கீழ், கரியமலைபோலக் கிடந்து கதறும்படி ஒரு விரலால் நெருக்கிப் பின்பு அவனுக்கு அருள்புரிந்த உமை கணவனாகும்.

11. 11

    கோடுயர் வெங்களிற் றுத்திகழ் கோச்செங்க ணான்செய்கோயில்நாடிய நன்னிலத் துப்பெருங் கோயில் நயந்தவனைச்சேடியல் சிங்கிதந் தைசடை யன்றிரு வாரூரன்பாடிய பத்தும்வல் லார்புகு வார்பர லோகத்துள்ளே

    The last verse names Sundarar as the singer, and says that those who can sing these verses will reach the world beyond.

    Kōṭuyar veṅkaḷit ṟuththikazh kōchcheṅka ṇāṉseykōyil / nāṭiya naṉṉilath thupperuṅ kōyil nayanthavaṉaich / chēṭiyal siṅkithan thaisaṭai yaṉtṟiru vārūraṉ / pāṭiya paththumval lārpuku vārpara lōkaththuḷḷē

    தந்தங்கள் உயர்ந்து காணப்படுகின்ற வெவ்விய யானையின்மேல் விளங்குகின்ற கோச்செங்கட்சோழ நாயனார் செய்த, யாவரும் விரும்புகின்ற, திருநன்னிலத்தில் உள்ள பெருங்கோயிலை விரும்பி எழுந்தருளியிருக்கின்ற பெருமானை, அழகு பொருந்திய சிங்கடிக்குத் தந்தையும், சடையனார்க்கு மகனும் ஆகிய நம்பியாரூரன் பாடிய இப்பத்துப் பாடல்களையும் பாட வல்லவர்கள், பரலோகத்துள் புகுவார்கள்.