Thiruvennainallur Sri Krupapureeswarar Temple 14th of 22 in Nadu Nadu · Temples near Villupuram

Sundarar visited this temple and sang this Pathigam. Verse 1 of 10.

O madman who wears the crescent, great and gracious Lord, you kept me in your mind so that I think of you without forgetting. In Arutthurai at Vennainallur, on the south bank of the Pennai, O father, having been your servant before, may I now say that I am not?

Verse text and transliteration as given in the write-up. Word meanings and the English meaning are AI-assisted drafts.

All ten verses

1. 01

   பித்தாபிறை சூடீபெரு மானேஅரு ளாளாஎத்தான்மற வாதேநினைக் கின்றேன்மனத் துன்னைவைத்தாய்பெண்ணைத் தென்பால்வெண்ணெய்நல்லூரருட் டுறையுள் அத்தாஉனக் காளாயினிஅல்லேன்என லாமே

   Pithāpiṟai sūṭīperu māṉē'aru ḷāḷā / ethāṉmaṟa vāthēniṉaik kiṉṟēṉmaṉath thuṉṉai / vaithāypeṇṇaith theṉpālveṇṇey nallūraruṭ ṭuṟaiyuḷ / athā'uṉak kāḷāyiṉi allēṉeṉa lāmē

   பித்தனே, பிறையைக் கண்ணியாகச் சூடியவனே,

   பெருமை உடையவனே, பெண்ணையாற்றின்

   தென்பால் உள்ள திருவெண்ணெய்நல்லூரின்

   கண்ணதாகிய, `அருட்டுறை` என்னும் திருக்கோயிலின்கண் எழுந்தருளியிருக்கும் தலைவனே, எனது நெஞ்சத்துள்

   உன்னை அகலாது வைத்தருளினாய்; அதனால்,

   எவ்வாற்றானும் உன்னை மறவாமலே நினைந்து,

   முன்பே உனக்கு அடியவனாகி, இப்பொழுது,

   `உனக்கு அடியவன் அல்லேன்` என எதிர்வழக்குப்

   பேசியது பொருந்துமோ!

2. 02

   நாயேன்பல நாளும்நினைப் பின்றிமனத் துன்னைப்பேயாய்த்திரிந் தெய்த்தேன்பெற லாகாவருள் பெற்றேன்வேயார்பெண்ணைத் தென்பால்வெண்ணெய்நல்லூரருட் டுறையுள் ஆயாஉனக் காளாயினிஅல்லேன்என லாமே

   Nāyēṉpala nāḷumniṉaip piṉtṟimaṉath thuṉṉaip / pēyāythirin theythēṉpeṟa lākāvaruḷ petṟēṉ / vēyārpeṇṇaith theṉpālveṇṇey nallūraruṭ ṭuṟaiyuḷ / āyā'uṉak kāḷāyiṉi allēṉeṉa lāmē

   மூங்கில்கள் நிறைந்து வரும் பெண்ணையாற்றின்

   தென்பால் உள்ள திருவெண்ணெய்நல்லூரின்

   கண்ணதாகிய அருட்டுறைத் திருக்கோயிலின்கண்

   எழுந்தருளியிருக்கும் தலைவனே, நாய் போலும்

   கீழ்மையுடையேனாகிய யான் உன்னை எனது

   இளைய நாள்கள் பலவற்றினும் மனத்தால்

   நினைத்தல் இன்றிப் பேய்போல அலைந்து இளைத்தேன்;

   ஆயினும், இதுபோழ்து, பெறுதற்கு அரிய உனது

   திருவருளை நான் பெற்றேன். இப்பேற்றை எனக்கு

   அளிக்க வந்த உனக்கு, முன்பே நான் அடியவனாகி,

   இப்பொழுது, `அடியவன் அல்லேன்` என எதிர்வழக்குப்

   பேசியது பொருந்துமோ!

3. 03

   மன்னேமற வாதேநினைக் கின்றேன்மனத் துன்னைப்பொன்னேமணி தானேவயி ரம்மேபொரு துந்திமின்னார்பெண்ணைத் தென்பால்வெண்ணெய்நல்லூரருட் டுறையுள் அன்னேஉனக் காளாயினிஅல்லேன்என லாமே

   Maṉṉēmaṟa vāthēniṉaik kiṉtṟēṉmaṉath thuṉṉaip / poṉṉēmaṇi thāṉēvayi ram'mēporu thunthi / miṉṉārpeṇṇaith theṉpālveṇṇey nallūraruṭ ṭuṟaiyuḷ / aṉṉē'uṉak kāḷāyiṉi allēṉeṉa lāmē

   தலைவனே, கரையை மோதி, பொன்னும் மணியும்,

   வயிரமும் ஆகிய இவற்றைத் தள்ளிக்கொண்டு,

   ஒளிமிக்கு வருகின்ற பெண்ணையாற்றின் தென்பால்

   உள்ள திருவெண்ணெய்நல்லூரின் கண்ணதாகிய

   அருட்டுறைத் திருக்கோயிலின்கண் எழுந்தருளியுள்ள

   தாய் போன்றவனே, உனக்கு நான் முன்பே அடியவனாகி,

   இப்பொழுது, `அடியவன் அல்லேன்` என்று

   எதிர்வழக்குப் பேசியது பொருந்துமோ! இனிமேல்,

   உன்னை என் மனத்தில் ஒருபோதும் மறவாமலே

   நினைப்பேன்.

4. 04

   முடியேன்இனிப் பிறவேன்பெறின் மூவேன்பெற்றம் ஊர்தீகொடியேன்பல பொய்யேஉரைப் பேனைக்குறிக் கொள்நீசெடியார்பெண்ணைத் தென்பால்வெண்ணெய்நல்லூரருட் டுறையுள் அடிகேளுனக் காளாயினிஅல்லேன்என லாமே

   Muṭiyēṉiṉip piṟavēṉpeṟiṉ mūvēṉpetṟam ūrthī / koṭiyēṉpala poyyē'uraip pēṉaikkuṟik koḷnī / seṭiyārpeṇṇaith theṉpālveṇṇey nallūraruṭ ṭuṟaiyuḷ / aṭikēḷuṉak kāḷāyiṉi allēṉeṉa lāmē

   இடபத்தை ஊர்பவனே, ஒளி நிறைந்த பெண்ணை

   யாற்றின் தென்பால் உள்ள திருவெண்ணெய்நல்லூரின்

   கண்ணதாகிய அருட்டுறைத் திருக்கோயிலின்கண்

   எழுந்தருளியிருக்கும் தலைவனே, உனக்கு

   நான் முன்பே அடியவனாகி, இப்பொழுது,

   `அடியவன் அல்லேன்` என எதிர்வழக்குப்

   பேசியது பொருந்துமோ! அப்பொருந்தாமையை

   அகற்றி என்னை நீ தெளிவித் தருளினமையால்,

   இனி நான் இறக்கவும், மீளப் பிறக்கவும்,

   இவ்வுலகில் வாழப் பெறின் மூப் படைந்து வருந்தவும்

   ஆற்றேனாகின்றேன். நெறிகோடினேனாகிப்

   பொய்ம்மைகள் பலவற்றையே பேசுவேனாகிய

   என்னை நீ வெறாது ஏற்றருள்.

5. 05

   பாதம்பணி வார்கள்பெறும் பண்டமது பணியாய்ஆதன்பொரு ளானேன்அறி வில்லேன்அரு ளாளாதாதார்பெண்ணைத் தென்பால்வெண்ணெய்நல்லூரருட் டுறையுள் ஆதீஉனக் காளாயினிஅல்லேன்என லாமே

   Pāthampaṇi vārkaḷpeṟum paṇṭamathu paṇiyāy / āthaṉporu ḷāṉēṉaṟi villēṉaru ḷāḷā / thāthārpeṇṇaith theṉpālveṇṇey nallūraruṭ ṭuṟaiyuḷ / āthī'uṉak kāḷāyiṉi allēṉeṉa lāmē

   அருளாளனே, பூக்களின் மகரந்தம் நிறைந்த

   பெண்ணையாற்றின் தென்பால் உள்ள

   திருவெண்ணெய் நல்லூரின் கண்ணதாகிய

   அருட்டுறைத் திருக்கோயிலின்கண் எழுந்தருளியுள்ள

   முதல்வனே, உனக்கு நான் முன்பே அடியவனாகி,

   இப்பொழுது, `அடியவன் அல்லேன்` என எதிர்

   வழக்குப் பேசியது பொருந்துமோ! அப்பொருந்தாச்

   செய்கையைச் செய்தமையால் அறிவில்லேனாயினேன்;

   அதனால், `ஆதன்` என்னும் சொற்குப் பொருளாயினேன்;

   ஆயினும், என்னை இகழாது உன் திருவடியை

   வணங்கி வாழ்கின்ற அறிவர் பெறும் பேற்றை அளித்தருள்.

6. 06

   தண்ணார்மதி சூடீதழல் போலுந்திரு மேனீஎண்ணார்புரம் மூன்றும்எரி யுண்ணநகை செய்தாய்மண்ணார்பெண்ணைத் தென்பால்வெண்ணெய்நல்லூரருட் டுறையுள் அண்ணாஉனக் காளாயினிஅல்லேன்என லாமே

   Thaṇṇārmathi chūṭīthazhal pōlunthiru mēṉī / eṇṇārpuram mūṉṟumeri yuṇṇanakai seythāy / maṇṇārpeṇṇaith theṉpālveṇṇey nallūraruṭ ṭuṟaiyuḷ / aṇṇā'uṉak kāḷāyiṉi allēṉeṉa lāmē

   தட்பம் நிறைந்த திங்களைச் சூடியவனே, நெருப்புப்

   போலும் திருமேனியை உடையவனே, உன்னை

   மதியாதவரது அரண்கள் மூன்றையும் தீ

   உண்ணும்படி சிரித்தவனே, மூழ்குவோரது

   பாவத்தைக் கழுவுதல் பொருந்திய பெண்ணையாற்றின்

   தென்பால் உள்ள திருவெண்ணெய்நல்லூரின்

   கண்ணதாகிய அருட்டுறைத் திருக்கோயிலின்கண்

   எழுந்தருளியிருக்கும் தலைவனே, உனக்கு நான்

   முன்பே அடியவனாகி, இப்பொழுது, `அடியவன்

   அல்லேன்` என எதிர்வழக்குப் பேசியது பொருந்துமோ!

7. 07

   ஊனாய்உயிர் ஆனாய்உடல் ஆனாய்உல கானாய்வானாய்நிலன் ஆனாய்கடல் ஆனாய்மலை ஆனாய்தேனார்பெண்ணைத் தென்பால்வெண்ணெய்நல்லூரருட் டுறையுள் ஆனாயுனக் காளாயினிஅல்லேன்என லாமே

   Uṉāyuyir āṉāyuṭal āṉāyula kāṉāy / vāṉāynilaṉ āṉāykaṭal āṉāymalai āṉāy / thēṉārpeṇṇaith theṉpālveṇṇey nallūraruṭ ṭuṟaiyuḷ / āṉāyuṉak kāḷāyiṉi allēṉeṉa lāmē

   பூக்களின் தேன் நிறைந்த பெண்ணையாற்றின்

   தென்பால் உள்ள திருவெண்ணெய்நல்லூரின்

   கண்ணதாகிய அருட்டுறைத் திருக்கோயிலின்

   கண் நீங்காது எழுந்தருளியிருப்பவனே, நீ

   உடலிடத்து நின்று பொருள்களை உணர்ந்து

   வருகின்ற உயிர்கள் ஆகியும், அவைகள் நிற்கின்ற

   அவ்வுடல்களாகியும், வானாகியும், நிலமாகியும்,

   கடலாகியும், மலையாகியும் நிற்கின்றாய்;

   இப்பெற்றியன் ஆகிய உனக்கு நான் முன்பே

   அடியவனாகி, இப்பொழுது, `அடியவன் அல்லேன்`

   என எதிர்வழக்குப் பேசியது பொருந்துமோ!

8. 08

   ஏற்றார்புரம் மூன்றும்எரி உண்ணச்சிலை தொட்டாய்தேற்றாதன சொல்லித்திரி வேனோசெக்கர் வானீர்ஏற்றாய்பெண்ணைத் தென்பால்வெண்ணெய்நல்லூரருட் டுறையுள் ஆற்றாயுனக் காளாயினிஅல்லேன்என லாமே

   Ētṟārpuram mūṉtṟumeri uṇṇachchilai thoṭṭāy / thētṟāthaṉa sollithiri vēṉōsekkar vāṉīr / ētṟāypeṇṇaith theṉpālveṇṇey nallūraruṭ ṭuṟaiyuḷ / ātṟāyuṉak kāḷāyiṉi allēṉeṉa lāmē

   பெண்ணையாற்றின் தென்பால் உள்ள திரு வெண்ணெய் நல்லூரின்கண்ணதாகிய அருட்டுறைத் திருக்

   கோயிலின் கண் எழுந்தருளியிருக்கும்

   நன்னெறியானவனே, நீ உனக்குப் பகையாய்

   எதிர்ந்தவர்களது அரண்கள் மூன்றையும் தீ

   உண்ணும்படி, போர் செய்து அழித்தாய். சிவந்த

   சடையிடத்து ஆகாய கங்கையைத் தாங்கினாய்.

   அப்பெருமைகளை அறியாமை காரணமாகத்

   தோன்றும் சொற்களைச் சொல்லி நான் வீணே

   உழல்வேனோ! அங்ஙனம் உழலும் நெறியானே,

   முன்பு உனக்கு அடியவனாயதற்கு மாறாக

   இப்பொழுது, `அடியவன் அல்லேன்` என

   எதிர்வழக்குப் பேசியது பொருந்துமோ!

9. 09

   மழுவாள்வலன் ஏந்தீமறை ஓதீமங்கை பங்காதொழுவார்அவர் துயர்ஆயின தீர்த்தல்உன தொழிலேசெழுவார்பெண்ணைத் தென்பால்வெண்ணெய்நல்லூரருட் டுறையுள் அழகாஉனக் காளாயினிஅல்லேன்என லாமே

   Mazhuvāḷvalaṉ ēnthīmaṟai ōthīmaṅkai paṅkā / thozhuvār'avar thuyar'āyiṉa thīrthaluṉa thozhilē / chezhuvārpeṇṇaith theṉpālveṇṇey nallūraruṭ ṭuṟaiyuḷ / azhakā'uṉak kāḷāyiṉi allēṉeṉa lāmē

   மழுப்படையை வலப்பக்கத்தில் ஏந்தியவனே,

   வேதத்தை ஓதுபவனே, உமையை ஒரு பாகத்தில்

   உடையவனே, செழுமை வாய்ந்து இடையறாது

   ஒழுகுகின்ற பெண்ணையாற்றின் தென் பால் உள்ள

   திருவெண்ணெய்நல்லூரில் உள்ள அருட்டுறைத்

   திருக் கோயிலில் எழுந்தருளியிருக்கும் அழகேன,

   உன்னை வணங்குவாரது துன்பங்களை நீக்குதல்

   உனது தொழில் என்பதனால், என்னை வலிந்து

   ஆட்கொள்ள வந்தாய். அதனை அறியாது,

   முன்பே உனக்கு அடியவனாகியதனை மறுத்து,

   இப்பொழுது, `அடியவன் அல்லேன்` என

   எதிர்வழக்குப் பேசியது பொருந்துமோ!

10. 10

    காரூர்புனல் எய்திக்கரை கல்லித்திரைக் கையாற்பாரூர்புகழ் எய்தித்திகழ் பன்மாமணி உந்திச்சீரூர்பெண்ணைத் தென்பால்வெண்ணெய்நல்லூரருட் டுறையுள் ஆரூரனெம் பெருமாற்காள்அல்லேன்என லாமே

    In the last verse, Sundarar again asks whether he may say he is not the servant of the Lord of Arutthurai, after praising the Pennai river that carries gems along its banks.

    Kārūrpuṉal eythikkarai kallitthraik kaiyāṟ / pārūrpukazh eythiththikazh paṉmāmaṇi unthich / chīrūrpeṇṇaith theṉpālveṇṇey nallūraruṭ ṭuṟaiyuḷ / ārūraṉem perumāṟkāḷ allēṉeṉa lāmē

    மேகத்தினின்றும் ஒழுகும் தன்மையை உடைய நீர்

    திரண்டு பொருந்தி, அலைகளாகிய கைகளால்

    கரையைக் குத்தி, நிலம் முழுதும் பரவிய

    புகழைப்பெற்று, ஒளி விளங்குகின்ற பல சிறந்த

    மணிகளைத் தள்ளிவந்து, அழகு மிகுகின்ற

    பெண்ணையாற்றின் தென் பால் உள்ள

    திருவெண்ணெய்நல்லூரில் உள்ள அருட்டுறைத்

    திருக் கோயிலில் எழுந்தருளியிருக்கும்

    எம்பெருமானுக்கு, ஆரூரன் `அடியவனல்லேன்`

    என எதிர்வழக்குப் பேசியது பொருந்துமோ!